Mae gennym ni dîm penodol ac angerddol o Seicolegwyr Perfformiad sy’n gweithio gyda chwaraeon i alluogi athletwyr, hyfforddwyr a chyfarwyddwyr perfformiad i ffynnu yn eu hamgylcheddau hyfforddi a chystadlu.
Cenhadaeth y tîm Seicoleg Perfformiad yw cefnogi ein chwaraeon allweddol i baratoi’n feddyliol er mwyn gallu rhoi’r perfformiad priodol ar yr amser priodol.
Mae ein seicolegwyr yn gweithio mewn meysydd cefnogi penodol:
1. darparu Seicoleg Perfformiad rhagweithiol
Ein rôl yw cyflwyno cefnogaeth Seicoleg Perfformiad i athletwyr, hyfforddwyr a Chyfarwyddwyr Perfformiad oddi mewn i’n chwaraeon blaenoriaeth fel eu bod yn gallu ffynnu mewn amgylcheddau hyfforddi a chystadlu.
Ymhlith y sgiliau a ddysgir fel rheol mae:
2. Diwylliant a chefnogaeth Sefydliadol
Ein rôl yw hwyluso creu amgylcheddau perfformiad seiliedig ar seicoleg sy’n datblygu’r person yn ogystal â’r perfformiwr i ffynnu.
3. Cefnogaeth llwybr iechyd a lles y meddwl
Ein rôl yw cefnogi lles athletwyr, hyfforddwyr a chyfarwyddwyr perfformiad yn bositif ac yn rhagweithiol a chyfeirio’n rhagweithiol ac yn briodol.
Mae ein Seicolegwyr Perfformiad i gyd yn Siartredig gyda CPS ac yn seicolegwyr ymarferol sydd wedi’u cofrestru gyda HCPC. Mae gan holl ymarferwyr Athrofa Chwaraeon Cymru dystysgrifau cynghorwyr UKAD diweddar.
Maent yn uchel iawn eu parch yn y diwydiant ac wedi cael eu dewis ar gyfer swyddogaethau mewn cystadlaethau mawr, gan gynnwys y Gemau Cymanwlad, Olympaidd a Pharalympaidd.
Mae’r tîm Seicoleg Perfformiad yn cydweithio â’r holl ddisgyblaethau yn yr adran Gwyddoniaeth a Meddygaeth Chwaraeon, gan sicrhau dull cyfannol o weithredu yn gysylltiedig â phob athletwr.
Os yw'n ddigon da i Spotify, mae'n ddigon da i ni.2024 oedd y flwyddyn pryd torrwyd mwy o recordiau,…
Mae’r bencampwraig focsio Lauren Price wedi mynd yn ôl at ei gwreiddiau i weld sut mae cyllid y Loteri…
Tanni Grey-Thompson yn dathlu'r Loteri Genedlaethol ar ei phen-blwydd yn 30 oed