Mae athletwyr a thimau Cymru wedi bod yn llwyddiannus mewn chwaraeon perfformiad uchel yn ystod y blynyddoedd diwethaf. Dyma rai o’r llwyddiannau:
- Dewiswyd y nifer uchaf erioed o athletwyr o Gymru gan Dîm Prydain Fawr ar gyfer Gemau Olympaidd Paris 2024, sef cyfanswm o 35 o athletwyr.
- Matt Bush oedd y dyn cyntaf i ennill medal aur para-taekwondo ar gyfer ParalympicsGB yn 2024.
- Fe greodd Anna Hursey hanes fel chwaraewr tennis bwrdd Olympaidd cyntaf erioed Cymru, yn y Gemau ym Mharis.
- Cymhwysodd tîm pêl-droed merched Cymru ar gyfer Ewros 2025, eu Cystadleuaeth Ryngwladol gyntaf.
- Roedd Matt Richards yn rhan o'r tîm nofio cyntaf erioed i amddiffyn medal aur ras gyfnewid Olympaidd gyda'r un pedwar aelod yn y tîm.
- Roedd pêl-rwyd Cymru yn y 6ed safle yn y byd yn 2025, eu safle uchaf erioed.
- Daeth Lauren Price yn bencampwr bocsio pwysau welter unedig y byd.
