Mae nifer cynyddol o athletwyr benywaidd wedi beichiogi ac wedi herio normau cymdeithasol bod beichiogrwydd a bod yn fam yn atal perfformiad llwyddiannus fel athletwr.
Hyd yn oed fel athletwr heb fod yn elitaidd neu fel rhywun sy'n mwynhau ymarfer corff ar gyfer eu hiechyd yn gyffredinol, mae'n ddiogel dal ati i hyfforddi ac ymarfer y corff yn ystod beichiogrwydd os caiff ei wneud mewn ffordd synhwyrol a gwybodus.
Nid yw canllawiau cyfredol llywodraeth y DU ar wneud ymarfer corff yn ystod beichiogrwydd yn ystyried merched sy’n ymgymryd â lefel uwch na’r isafswm o weithgarwch corfforol a argymhellir ac sydd eisiau dal ati gyda hyn drwy gydol eu beichiogrwydd.
Mae’r ystyriaethau o ran ymarfer corff a beichiogrwydd yn cynnwys:
Cyn beichiogrwydd: mae’n bwysig meddwl drwy’r posibilrwydd o unrhyw ffactorau sy’n gysylltiedig â chwaraeon neu ymarfer corff a allai gael effaith ar ffrwythlondeb e.e. ydych chi'n cael digon o faeth i gefnogi'r ymarfer corff rydych chi'n cymryd rhan ynddo - os nad ydych, ni fydd eich corff yn blaenoriaethu ffrwythlondeb.
Beichiogrwydd: oes unrhyw resymau pam y byddai ymarfer corff yn ystod eich beichiogrwydd yn beryglus? e.e. chwaraeon ymladd.
Os nad oes, gall ymarfer corff ddarparu llawer o fanteision yn ystod beichiogrwydd
Dylai cyngor ar ymarfer corff a chwaraeon fod yn unigol ar gyfer pob athletwr a beichiogrwydd ond mae darnau pwysig o gyngor cyffredinol y gallwch eu dilyn.
Mae'n bwysig gwybod pryd i roi'r gorau i wneud ymarfer corff yn ystod beichiogrwydd ac, os oes gennych chi unrhyw bryderon, dylech siarad gyda'ch meddyg.
