Mae 78% o fenywod yn osgoi chwaraeon pan maen nhw ar eu mislif. O blith y rhain, mae 73% yn dweud oherwydd poen, mae 62% yn dweud oherwydd eu bod nhw’n ofni i waed ollwng, mae 52% yn dweud eu bod nhw’n osgoi chwaraeon oherwydd eu bod nhw wedi blino gormod, ac mae 45% yn osgoi chwaraeon oherwydd eu bod nhw’n teimlo'n hunanymwybodol. Dydyn ni ddim eisiau i’r ystadegau yma ddweud yr un peth. Mae llawer o gyfrinachedd ac iaith a theimladau negyddol tuag at y mislif. Fodd bynnag, rydyn ni eisiau i bobl ifanc sy'n cael mislifau deimlo'n gadarnhaol am bŵer cylch y mislif a chofleidio eu corff.
Manteision glasoed
- Cryfder esgyrn cynyddol, diolch i Estrogen, hormon sy'n ymwneud â chylch y mislif.
- Ffitrwydd cynyddol, diolch i dyfiant y galon a'r ysgyfaint.
- Lefelau cryfder a phŵer uwch, wrth i gyhyrau dyfu'n gyflymach a dod yn gryfach wrth ymarfer, diolch i gynnydd mewn lefelau hormonau.
- Cynnydd mewn hyblygrwydd diolch i hormonau a newidiadau benywaidd penodol eraill yn y cyhyrau.
Beth all helpu menyw yn ystod glasoed?
Mae digonedd o bethau all gefnogi menyw yn ystod y glasoed, fel:
- Arbrofi gyda gwahanol gynhyrchion y mislif i weld beth sy'n gweithio.
- Gall dod o hyd i fra chwaraeon sy'n ffitio'n iawn wrth i'r bronnau dyfu helpu gyda theimlo'n llai hunanymwybodol a lleihau unrhyw boen yn ystod chwaraeon.
- Byddwch yn ymwybodol y gall dillad effeithio ar eu lefelau cysur - er enghraifft, gall siorts neu leotards gwyn gynyddu’r pryder wrth waedu.
- Daliwch ati i ddod o hyd i gefnogaeth sy'n annog bod yn agored i sgwrs am deimladau a phrofiadau. Mae amrywiaeth o emosiynau yn normal, gan gynnwys embaras a pheidio â bod eisiau siarad.
