Panel Athletwyr

Beth yw’r Panel Athletwyr?

Mae Panel Athletwyr Chwaraeon Cymru wedi cael ei sefydlu gan athletwyr, ar gyfer athletwyr. Rydyn ni yma i gynrychioli barn athletwyr ar draws y chwaraeon yng Nghymru, ac i fod yn fan lle gallwch chi rannu eich barn a fydd yn effeithio ar brofiadau presennol ac yn y dyfodol yr athletwyr elitaidd sy'n datblygu.

Beth yw ein pwrpas ni?

Nod y Panel Athletwyr yw:

eiriol dros weld pob camp yn penodi cynrychiolydd athletwyr.
bod yn ofod diogel i athletwyr gysylltu â chyd-athletwyr a rhoi cyfle i ddarparu gwasanaethau mentora e.e. os ydych chi'n mynd i'ch gemau mawr cyntaf.
bod yn ofod i rannu eich profiadau presennol fel ein bod yn gallu:
- gweithredu ar bethau cyffredin y tynnir sylw atyn nhw mewn cydweithrediad â Chwaraeon Cymru a chyrff rheoli cenedlaethol.
- helpu unigolion gyda heriau maent yn eu hwynebu yn eu chwaraeon.

Dewch i gwrdd ag aelodau presennol ein panel ni:

Bethan Davies

Cerddwr Rasys o Gaerdydd

Athletwraig Gynrychioliadol ar gyfer Prydain a Chymru ers dros ddegawd, wedi cystadlu yn y Rasys Cerdded 10,000m, 20km a 35km mewn nifer o Bencampwriaethau Mawr.
Enillydd Medal Efydd yn y Ras Gerdded 20km yng Ngemau Cymanwlad yr Arfordir Aur 2018.
Yn dal nifer o recordiau Cerdded Rasys Cymru a Phrydain a goreuon o bellteroedd mor fyr â milltir hyd at 35km.
Aelod o’r Panel Athletwyr ac o Gomisiwn Athletwyr Tîm Cymru.

Jordan Hart

Chwaraewr Badminton o Sir Benfro.

Wedi cynrychioli Cymru a Phrydain Fawr yn fyd-eang, gan gyrraedd safle uchaf yn ei yrfa o 62 yn y Byd.
Wedi cystadlu ar lwyfan y byd mewn Pencampwriaethau Ewropaidd a Byd ac yng Ngemau'r Gymanwlad.
Pencampwr Prydain a Rhif 1 Hŷn Cymru a Phencampwr Cymru 15 gwaith.

“Fe wnes i ymuno â’r Panel Athletwyr gan fy mod i’n teimlo’n angerddol dros gefnogi athletwyr a chreu amgylcheddau ffyniannus i ddiogelu dyfodol chwaraeon Cymru a bod athletwyr Cymru yn cael profiadau cadarnhaol drwy gydol eu gyrfaoedd.”

Osian Dwyfor Jones

Taflwr Morthwyl rhyngwladol o Gaernarfon yng Ngogledd Cymru.

Wedi cynrychioli Cymru yng Ngemau'r Gymanwlad yn 2014, 2018 a 2022
Deiliad record Cymru am Daflu Morthwyl
Wedi ymddeol o chwaraeon yn 2023 ac yn gweithio bellach fel Fferyllydd Cymunedol

“Fe wnes i ymuno â’r Panel Athletwyr i rannu fy mhrofiadau fel athletwr gyda’r gobaith o gyflawni newidiadau cadarnhaol o fewn Chwaraeon Cymru a chyrff rheoli i ddarparu canlyniadau gwell i’r genhedlaeth nesaf o athletwyr yng Nghymru.”

Alys Thomas

Nofwraig Olympaidd o Abertawe

Gyrfa nofio ryngwladol yn ymestyn dros 12+ mlynedd, gan gynnwys cystadlu yng Ngemau'r Gymanwlad bedair gwaith, dwywaith mewn Pencampwriaethau Ewropeaidd, dwywaith ym Mhencampwriaethau Byd ac unwaith yn y Gemau Olympaidd
Pencampwraig y Gymanwlad yn y 200 Pili Pala (2018)
Ymddeoliad gorfodol o yrfa gystadleuol yn 2022 oherwydd anaf felly dilyn llwybr newydd i hyfforddi a mentora athletwyr, ac MSc mewn Seicoleg Chwaraeon.
Yn gweithio ar hyn o bryd i Nofio Cymru fel Hyfforddwr Datblygu Perfformiad a Rheolwr Llwybr gan helpu i ddatblygu a gwella'r cysylltiad rhwng datblygiad a nofio perfformiad yng Nghymru.

“Rydw i wrth fy modd yn bod yn rhan o’r Panel Athletwyr gan ei fod wedi rhoi llwyfan go iawn i mi ar gyfer rhannu syniadau, dysgu a datblygu gydag unigolion tebyg i mi mewn chwaraeon eraill lle gallwn ni gael effaith a helpu i gyrraedd athletwyr ar lawr gwlad a helpu i ddatrys problemau. Rydw i bob amser yn edrych am gyfleoedd i ddefnyddio fy mhrofiad a fy ngwybodaeth i roi yn ôl ac i ysbrydoli, gan helpu neu ysgogi'r genhedlaeth nesaf neu athletwyr eraill mewn unrhyw sefyllfaoedd lle maen nhw angen cefnogaeth efallai."

Georgia Davies

Nofwraig Olympaidd o Abertawe

2 x Olympiad - (Llundain 2012 a Rio 2016)
Enillydd medal ym Mhencampwriaeth y Byd
Pencampwraig y Gymanwlad a chyn ddeiliad record y Gymanwlad
Pencampwraig Ewropeaidd a chyn ddeiliad record Ewropeaidd

“Fe wnes i ymuno â’r Panel Athletwyr oherwydd rydw i’n meddwl, er mwyn cyrraedd y lefel uchaf mewn unrhyw gamp, bod angen pentref mewn gwirionedd! Rydw i'n teimlo'n hynod ffodus fy mod i wedi cael cefnogaeth anhygoel drwy gydol fy ngyrfa nofio gan nifer o bobl wych ar draws gwahanol feysydd, a gyfrannodd i gyd at wireddu rhai o fy nodau mwyaf heriol i.

Fe fyddwn i wrth fy modd yn chwarae rhan fechan hyd yn oed wrth helpu’r genhedlaeth nesaf o athletwyr o Gymru i gyflawni eu nodau.”

Pam fod angen Panel Athletwyr yn y byd chwaraeon yng Nghymru?

Rydyn ni eisiau i bob profiad mae athletwr yn ei gael fod yn un sy'n ei helpu i ffynnu. Er mwyn gwneud hyn, mae angen i ni ddysgu gan athletwyr sydd wedi profi'r amgylcheddau yma. Mae cael gofod lle mae lleisiau athletwyr yn cael eu clywed yn hanfodol ar gyfer creu amgylcheddau cadarnhaol sydd wir yn diwallu anghenion yr athletwyr sydd ynddyn nhw.

Nod y Panel Athletwyr yw grymuso athletwyr, gwella eu profiadau o fewn chwaraeon, a chyfrannu at ddatblygiad chwaraeon yng Nghymru gyfan. Mae’r Panel yn creu lle i athletwyr gael llais wrth wneud penderfyniadau, cynrychioli eu safbwyntiau a’u pryderon, ac eiriol dros hawliau athletwyr a’u lles o fewn chwaraeon. Mae hefyd yn creu gofod i athletwyr ddod at ei gilydd a chysylltu drwy rannu profiadau, heriau a llwyddiannau.

Enghreifftiau o ymwneud y Panel Athletwyr:

Hyd yma, mae’r panel wedi darparu adborth ar brosiectau amrywiol gydag aelodau Chwaraeon Cymru sy’n effeithio ar lawer o athletwyr ar draws y system chwaraeon. Dyma rai enghreifftiau:

Mae’r Panel Athletwyr wedi cyflawni’r canlynol:

dylanwadu ar sut mae addysg am iechyd athletwyr benywaidd a’r mislif yn cael ei darparu.
dylanwadu ar y ffyrdd rydyn ni’n sicrhau gwybodaeth am amgylcheddau athletwyr.
dylanwadu ar gynnwys graffeg gwybodaeth Chwaraeon Cymru ar gyfer hyfforddwyr.
rhoi adborth i Chwaraeon Cymru am eu dull o weithredu gyda iechyd meddwl.
tynnu sylw at ymwybyddiaeth o anghenion athletwyr, gan gynnwys diogelu.
annog chwaraeon a chyrff rheoli cenedlaethol i ethol Cynrychiolydd Athletwyr.

Eisiau bod yn gynrychiolydd athletwyr ar gyfer eich camp? Yn wynebu unrhyw broblemau neu heriau o fewn eich camp? Os gallwn ni eich cefnogi chi drwy fentora, cynnig cyngor doeth, neu gyfeirio, cysylltwch â ni.

Mae Osian a Georgia yn siarad Cymraeg ac yn croesawu gohebiaeth yn y Gymraeg.

Cysylltwch â'r Panel Athletwyr

Cefnogaeth i Athletwyr

Mae Athrofa Chwaraeon Cymru yn dîm o weithwyr proffesiynol o sawl disgyblaeth sy’n cydweithio er mwyn helpu athletwyr Cymru i sicrhau llwyddiant ar lwyfan y byd – ac yn eu bywydau y tu allan i chwaraeon.

Darllen Mwy