Carly Jackson, Seicolegydd Chwaraeon
Pan ofynnwyd i mi ysgrifennu’r darn yma sylwais fy mod yn cael fy nhynnu i ddechrau at y syniad o ‘googlo’ y diffiniad o ‘Newid’ fel man cychwyn. Ond wedyn gofynnais i mi fy hun, “ydi newid yr un peth mewn gwirionedd i bawb?”.
Dydw i ddim yn honni fy mod i’n arbenigwr ar Newid; ond rydw i wedi profi Newid yn fy mywyd; mae pob un ohonom ni wedi profi hynny. Rydw i’n credu bod beth yw Newid yn dibynnu ar yr ystyr mae rhywun yn ei wneud o'r digwyddiad neu'r profiad o Newid. Ni yw’r arbenigwyr ar ein profiad ein hunain o Newid. Gan gofio hyn, rydw i'n cynnig rhai adlewyrchiadau personol ar yr hyn y mae Newid yn ei olygu i mi, a'r hyn rydw i wedi sylwi arno am Newid yn fy rôl fel Seicolegydd Clinigol sy'n cefnogi eraill ar adegau o ofid.
Rydw i'n credu bod Newid yn brofiad unigol. Er enghraifft, mae rhai pobl yn cyhoeddi eu bod yn hoffi Newid, ac eraill byth eisiau i Newid ddigwydd. Rydw i'n chwilfrydig am beth sy'n caniatáu i bobl brofi gwahanol berthnasoedd â Newid. Tybed ydi Newid yn teimlo'n fwy cyfforddus pan rydyn ni’n teimlo bod gennym fwy o reolaeth drosto? Neu pan welwn fod gennym fwy o bŵer na'r broses Newid ei hun?
Ond mae Newid yn digwydd o'n cwmpas ni, neu i ni, drwy'r amser dydi. Os felly, sut ydyn ni'n ymdopi neu'n rheoli neu ddim yn sylwi ar hyn hyd yn oed? Pam y gall Newid fod yn gyfrwys fel hyn weithiau?
