Dylai pwyllgor weithredu fel tîm, gan ddefnyddio sgiliau a thalentau pob aelod unigol a gweithio tuag at amcanion cyffredin er mwyn sicrhau bod y clwb yn ffynnu.
Dylai aelodau effeithiol o bwyllgor fod â’r canlynol:
- Ymrwymiad i’r clwb
- Digon o amser i’w roi
- Dealltwriaeth o rôl y pwyllgor a’u rôl arno
- Sgiliau arwain a pharodrwydd i dderbyn cyfrifoldeb
- Sgiliau gwrando
- Gallu defnyddio technoleg i gyfathrebu ag aelodau
Mae’r tasgau penodol y mae’n ofynnol i aelodau pwyllgor eu cwblhau’n amrywio o glwb i glwb, yn unol â chynllun y clwb a chryfderau ei wirfoddolwyr.
Mae’n bwysig bod y pwyllgor yn cynnwys pobl sydd ag ystod o sgiliau ac arbenigedd i gefnogi’r ystod eang o anghenion datblygu a llywodraethu yn y clwb.