Newidiadau i'r cyllid 2024/25
Bydd rhai eitemau sy'n gymwys ar gyfer cyllid yn gyfyngedig ar wahanol lefelau. Gallwch ddod o hyd i restr o'r rhain isod.
Lefelau cyllid wedi'u capio ar gyfer eitemau penodol:
Gallwch wneud cais am:
- Uchafswm o £40,000 ar gyfer prosiectau llifoleuadau.
- 50% o gost y prosiect, hyd at uchafswm o £20,000 fesul ymgeisydd am yr eitemau canlynol.
- Rhwydi criced
- Prosiectau draenio
- Meysydd ymarfer ac ystafelloedd efelychu
- Prosiectau llwybrau
- Arwynebau chwaraeon, gan gynnwys cyrtiau tennis
- Lloriau gymnasteg
- Rhwydi criced
- Wicedi criced artiffisial (uchafswm dyfarniad o £10,000)
Cofiwch: Gall dyfarniadau grant ar gyfer arwynebau chwaraeon gael eu cynyddu, yn dibynnu ar gyfraniad ariannol yr ymgeisydd.
Offer Cynnal a Chadw Caeau
Gallwch wneud cais am gyfanswm o £10,000 i gynnwys:
- Uchafswm o £5,000 tuag at beiriannau torri gwair
- Uchafswm pellach o £5,000 ar gyfer atodiadau peiriannau torri gwair
Cofiwch: Cynghorir ymgeiswyr i gofrestru aelod o’r clwb ar Gwrs Cynnal a Chadw Tiroedd.
Trelars / Cynwysyddion
Dim ond o dan yr amodau canlynol y gallwch chi wneud cais am gyllid ar gyfer trelar neu gynhwysydd:
- Os ydych chi hefyd yn gwneud cais am offer
- Hyd at uchafswm o £3,000
Cofiwch: Os yw trelar neu gynhwysydd yn ddrutach na £3,000 neu os nad ydych yn gwneud cais am offer, mae trelars a chynwysyddion yn gymwys o hyd ar gyfer cyllid drwy ein cynllun “Lle i Chwaraeon” gyda Crowdfunder.
Llogi Lleoliad
Dim ond o dan yr amodau canlynol y gallwch chi wneud cais ar gyfer llogi lleoliad
- Os ydych chi’n sefydlu tîm newydd, grŵp oedran newydd neu adran newydd yn eich clwb
- Ar gyfer uchafswm o ddau dîm i bob cais
- Ar gyfer 1 awr yr wythnos am gyfanswm o 10 wythnos y tîm.
Addysg Hyfforddwyr
Wrth wneud cais am gyllid ar gyfer cyrsiau addysgu hyfforddwyr:
- Rhaid i chi gyflwyno enwau’r holl wirfoddolwyr neu’r hyfforddwyr fydd yn cymryd rhan.
- Dim ond dyfarniadau addysgu hyfforddwyr newydd sy’n gymwys.
- Nid yw adnewyddu addysg hyfforddwyr yn gymwys.
