Nod y Partneriaethau Chwaraeon yw newid y gêm ar gyfer cenedlaethau'r dyfodol, gan drawsnewid y ffordd y mae chwaraeon cymunedol yn cael eu creu, eu cyflwyno, eu harwain a'u cyllido.
Wedi’u cynllunio i oresgyn anghydraddoldebau parhaus ac ystyfnig o ran cymryd rhan mewn chwaraeon a gweithgarwch corfforol, bydd y partneriaethau hyn yn helpu i drawsnewid Cymru yn genedl actif lle gall pawb fwynhau chwaraeon am oes.
Mae pum ardal yng Nghymru yn ffurfio Partneriaethau Chwaraeon y genedl. Mae'r partneriaethau hyn yn endidau rhanbarthol newydd sydd wedi'u sefydlu'n bwrpasol a fydd yn darparu arweinyddiaeth strategol, cynllunio a chomisiynu ar gyfer chwaraeon a gweithgarwch corfforol yn yr ardal.
Rydyn ni eisiau i Gymru fod yn genedl actif lle mae gan bawb y cyfle i fwynhau chwaraeon am oes. I rai mae hyn yn wir eisoes, ond er gwaethaf ymdrechion gorau llawer o bobl, mae eraill yn parhau i fethu â chael mynediad at yr un lefel o gyfleoedd i gymryd rhan a mwynhau bod yn gorfforol actif.
Yng Nghymru, mae cymryd rhan mewn gweithgarwch corfforol 3 gwaith yr wythnos o leiaf yn cael ei gydnabod fel dangosydd llesiant cenedlaethol. Yn frawychus, mae tua hanner yr holl bobl ifanc sy'n nodi eu bod yn Ddu, Asiaidd neu o grwpiau lleiafrifoedd ethnig; mwy na hanner yr holl bobl ifanc ag anabledd; bron i 6 o bob 10 person ifanc o'r cymunedau mwyaf difreintiedig; a mwy na hanner yr holl ferched yn parhau i gymryd rhan yn llai aml na hyn.
Fodd bynnag, mae canran syfrdanol o 96% o bobl ifanc wedi dweud yr hoffent wneud mwy o chwaraeon, gan ddangos lefel enfawr o gyfle os yw’r ddarpariaeth chwaraeon yn briodol.
Mae nifer o fanteision posibl i Bartneriaethau Chwaraeon, a fydd yn amrywio mewn gwahanol ardaloedd yn dibynnu ar bob partneriaeth a beth sydd fwyaf addas ar eu cyfer.
Bydd y Partneriaethau Chwaraeon yn gwneud y canlynol:
Dyma bum ardal y Partneriaethau Chwaraeon:
Sefydlwyd Partneriaeth Chwaraeon Gogledd Cymru, Actif North Wales, yn 2021-22. Fel rhan o’i strategaeth deng mlynedd newydd, lansiwyd ei Chronfa Arloesi ym mis Medi 2023, gan gefnogi prosiectau, mentrau a phartneriaethau a fydd yn galluogi mwy o bobl i gymryd rhan mewn gweithgarwch corfforol a chwaraeon.
Darllen strategaeth Actif North Wales
Sefydlwyd Partneriaeth Chwaraeon Gorllewin Cymru (PChGC) yn 2023. Bydd PChGC yn gweithredu fel cwmni cyfyngedig drwy warant. Mae Dr Sue Barnes (Prif Swyddog Gweithredol Ambiwlans Awyr Cymru) wedi cael ei phenodi’n Gadeirydd ochr yn ochr â bwrdd amrywiol sy’n seiliedig ar sgiliau. Yn 2024 penodwyd Jamie Rewbridge yn Brif Swyddog Gweithredol a Kate Williams yn Bennaeth Partneriaethau Strategol a Datblygu.
[javascript protected email address]
Sefydlwyd Partneriaeth Chwaraeon Canolbarth Cymru (PChCC) yn 2024. Bydd PChCC yn gweithredu fel cwmni cyfyngedig drwy warant. Mae Sherrie Woolf wedi cael ei phenodi’n Gadeirydd ochr yn ochr â bwrdd amrywiol sy’n seiliedig ar sgiliau. Mae Gemma Cutter wedi cael ei phenodi’n Gyfarwyddwr Rhanbarthol y rhanbarth.
[javascript protected email address]
Sefydlwyd Partneriaeth Actif Canolbarth y De (PACD) yn 2024. Bydd PACD yn gweithredu fel cwmni cyfyngedig drwy warant. Mae’r Athro Leigh Robinson wedi cael ei benodi’n Gadeirydd ochr yn ochr â bwrdd amrywiol sy’n seiliedig ar sgiliau. Maent ar hyn o bryd wrthi’n recriwtio i rôl weithredol arweiniol.
Os hoffech chi gysylltu â PACD [javascript protected email address] a gallwn eich rhoi mewn cysylltiad â'r person priodol.
Mae partneriaeth chwaraeon ranbarthol yn cael ei datblygu yn y rhanbarth hwn ar hyn o bryd.