Adran Dau: Astudiaeth achos ysgolion cyfun

Nododd rhai ysgolion yn eu Datganiadau Mynegi Diddordeb AEBSD fwriad i dargedu grwpiau penodol. Targedodd pum ysgol y disgyblion oedd â’r hawl i gael prydau ysgol am ddim a thargedodd pedair ysgol y disgyblion ag anghenion dysgu ychwanegol. Roedd y grwpiau targed eraill yn cynnwys LGBTQ+ (dwy ysgol), lleiafrifoedd ethnig (1 ysgol), y gymuned Deithiol (1 ysgol), merched (1 ysgol), a bechgyn (1 ysgol).

Gweithgarwch corfforol fel blaenoriaeth ysgol

Er mwyn helpu i roi cyd-destun o ran sut roedd y staff yn gweld gweithgarwch corfforol yn eu hysgol, gofynnwyd iddynt ystyried sut oedd gweithgarwch corfforol yn cael ei flaenoriaethu a’i integreiddio yn eu hysgol, oherwydd gallai

hyn helpu ysgolion yn y dyfodol wrth roi’r rhaglen ar waith. Y tri phrif ddull a ddewiswyd o restr a bennwyd ymlaen llaw oedd:

1. Cyllideb yn cael ei dyrannu i alluogi ehangder o ddysgu gweithgarwch corfforol
2. Amlygrwydd i’r ddarpariaeth dysgu gweithgarwch corfforol drwy ddigwyddiadau ysgol, dathliadau, nosweithiau rhieni, dyddiau agored ac ati
3. Aelod penodol o staff yn gyfrifol am ddysgu gweithgarwch corfforol

Cydlyniant cymunedol

Atebodd saith o’r wyth ysgol y cwestiwn yn ymwneud â chydlyniant cymunedol oherwydd y cyfnod yr oeddent ynddo o ran gweithredu’r rhaglen.
Ar raddfa Likert 5 pwynt, gofynnwyd i’r ysgolion i ba raddau roedd cymryd rhan yn y rhaglen wedi gwella cydlyniant cymunedol. Canfu pob ysgol bod y staff eisiau cymryd rhan a bod y berthynas â’r gymuned ehangach wedi gwella. O ystyried manteision gweithio mewn partneriaeth, mae’n gadarnhaol bod pump o’r ysgolion wedi dweud eu bod wedi

cysylltu ag ysgolion cyfagos ynghylch cynnwys rhaglenni (Tabl 2). Drwy adlewyrchu, mae’r ysgolion wedi amlinellu ymhellach sut mae’r rhaglen wedi effeithio ar gydlyniant cymunedol (Bocs 8).

Tabl 2. I ba raddau yr oedd ysgolion yn cytuno / cytuno’n llwyr â’r datganiadau cydlyniant cymunedol

Dyfyniadau gan yr ysgol / staff datblygu chwaraeon yn amlinellu’r ffyrdd y mae’r rhaglen wedi cael effaith ar gydlyniant cymunedol

“Mae Cydlyniant Cymunedol yn cynnwys cysylltiadau â chlybiau cymunedol a’r nod yw adeiladu ar yr hyn rydyn ni’n ei gynnig a gwneud llawer o ymgynghori â’r plant.”

“Anodd ymgysylltu â chlybiau gan ddefnyddio gwirfoddolwyr. Does dim darpariaeth bêl rwyd, badminton, rownderi wych oherwydd does dim gwirfoddolwyr i’w cynnal nhw.”

“Ein llywodraethwyr, o ran pethau fel y cae 3G, roedden nhw eisiau hynny i gefnogi clybiau lleol. Rydyn ni eisiau darparu mynediad i bawb ac fel rheolwr busnes mae’n cynnig cyfle i gynhyrchu cyllid drwy ddefnyddio cyfleusterau, a buddsoddi yn ein cyfleusterau, gan sicrhau bod yr ysgol a’r gymuned leol ar eu hennill.”

Y camau nesaf

Gofynnwyd i’r ysgolion pwy yw eu poblogaethau targed dros y pum mlynedd nesaf. Dywedodd pob un o’r wyth ysgol y byddai eu disgyblion eu hunain yn ffocws; adroddodd saith ysgol am ddisgyblion ysgolion cyfagos a’r gymuned ehangach; a nododd chwe ysgol rieni, staff yr ysgol a grwpiau cymunedol.

Er mwyn gweithredu’r rhaglen AEBSD am y pum mlynedd nesaf, gofynnwyd i’r ysgolion pa gefnogaeth sydd arnynt ei hangen o restr a bennwyd ymlaen llaw (roedd ‘opsiwn arall’ ar gael i’w ddewis hefyd). Dywedodd saith ysgol (allan o wyth) bod arnynt angen cyllid pellach, dywedodd tair ysgol bod angen mwy o gyfranogiad, nododd dwy ysgol fwy o ymgysylltu gan rieni, a dywedodd un bod angen cymorth gyda phrosesau gweinyddol (e.e. yswiriant ac asesiadau risg).

Cofnodion dysgu misol: themâu trawsbynciol

Cyflwynodd un ar ddeg o ysgolion gofnodion dysgu adlewyrchol, sydd wedi’u hystyried gyda’i gilydd i ganfod yr adlewyrchu ar yr effaith a gofnodwyd gan yr ysgolion o ran: i) eu blaenoriaethau addysgol; ii) chwaraeon a gweithgarwch corfforol; a iii) cydlyniant cymunedol.