Ysgol Gynradd Sofrydd

Ffocws yr ysgol: Cydweithrediad rhwng chwaraeon a’r gwasanaethau ieuenctid; mae ysgol yn lle diogel i fod yn actif

Trosolwg mynegi diddordeb

Yng nghymuned ynysig Sofrydd, sydd wedi’i lleoli ar gyrion Blaenau Gwent, nid oes unrhyw gyfleusterau na mannau agored yn y gymuned, y tu allan i’r ysgol. Canfu adroddiad diweddar nad yw 33.4% o boblogaeth Sofrydd yn berchen ar gar, sy’n uwch na’r ffigurau rhanbarthol (29%) a chenedlaethol (22.9%), sy’n golygu bod yr opsiynau trafnidiaeth i drigolion, i deithio i gyfleusterau, yn gyfyngedig. Mewn ymateb i hyn, ceisiodd Ysgol Gynradd Sofrydd ymestyn y mynediad i dir yr ysgol drwy gadw’r giât fynediad ar agor am oriau estynedig. Os oedd y tywydd yn gwahardd gweithgarwch awyr agored, neu os oedd angen darparu hyfforddiant, roedd mannau dan do (e.e. llyfrgell, ystafell ddosbarth) ar gael. Y bwriad oedd i’r cyllid AEBSD gael ei wario ar y tri maes cyffredinol canlynol i gefnogi cynyddu darpariaeth yr ysgol i’r gymuned mewn ffordd gynhwysol:

Costau Staff
Offer
Darparu gweithdai

Gweithredu’r rhaglen

Derbyniodd yr ysgol gyllid rhwng mis Tachwedd 2021 a mis Gorffennaf 2022. Amrywiodd y niferoedd oedd yn bresennol, a gofnodwyd gan yr ysgol, dros y misoedd, gyda’r presenoldeb mwyaf ym mis Mawrth (120 o gyfranogwyr) a’r lleiaf ym mis Ebrill (51 o gyfranogwyr). Roedd y cofnodion dysgu misol yn rhestru’r gweithgareddau yr oedd yr ysgol wedi bod yn eu cynnig, fel dawns, Taekwondo, darpariaeth Oddi ar y Stryd, celf a chrefft, sesiynau aml-chwaraeon, ramp sglefrio cludadwy, ac offer chwarae.

Drwy gwblhau cofnodion dysgu misol, tynnwyd sylw at y pwyntiau adlewyrchol allweddol a ganlyn, a dogfennwyd gweithredu’r ysgol ar y rhaglen yn yr amserlen a ddangosir yn Ffigur 9.

Beth weithiodd yn dda

Rhieni eisiau darpariaeth yn ardal Sofrydd
Ymgynghori â’r disgyblion
Lefelau gweithgarwch corfforol wedi cynyddu
Ymgysylltu ag Aneurin Leisure a darparwyr allanol i gyflwyno a chefnogi sesiynau

Pwyntiau dysgu

Roedd y cymarebau staff i ddisgyblion yn gyfyngedig oherwydd salwch a achosodd i rai sesiynau gael eu canslo - mae’r ysgol yn edrych ar opsiynau staffio ychwanegol ar gyfer y dyfodol
y camau nesaf:
Trefnwyd darpariaeth gwyliau haf, gan ddefnyddio’r dysgu o’r misoedd blaenorol

Canfyddiad y staff a’r disgyblion

Mae Ffigur 10 yn dangos y profiadau cadarnhaol a’r meysydd i’w gwella a nodwyd o’r grwpiau ffocws a’r cyfweliadau gyda disgyblion a staff, yn y drefn honno. Canfuwyd gorgyffwrdd rhwng ymatebion y disgyblion a’r staff. Er enghraifft, dywedodd y ddau fod cael rhywbeth i’w wneud a rhywle i fynd iddo’n beth cadarnhaol. Yn ogystal, adroddodd y disgyblion am bethau cadarnhaol fel gwneud ffrindiau o ysgolion eraill, cyfleoedd i chwarae, a darparu bwyd. Nododd yr aelod o staff bod y cydlyniant cymunedol a’r gwaith partneriaeth yn agweddau cadarnhaol. O ran meysydd i’w gwella, un awgrym gan ddisgyblion a staff fel ei gilydd oedd yr angen am rannu sesiynau ar gyfer gwahanol grwpiau oedran. Ymhellach, hoffai’r disgyblion gael mwy o strwythur, rhoi cynnig ar weithgareddau newydd, a chael sesiynau neu dripiau thema. Awgrymodd yr aelod o staff y gallai’r ysgol ddod yn hwb cymunedol a cheisio gwella ymddygiad.

Y camau nesaf – mis Medi 2022 ymlaen

Yr ysgol i ymgorffori’r hyn a ddysgwyd o’r peilot mewn model hirdymor cynaliadwy.

Nid oedd y data canlynol ar gael ar gyfer adrodd ar gyfer yr ysgol hon: Arolwg y disgyblion

Elfennau Positif

Disgyblion	Disgyblion a Staff	Staff
Gwneud Ffrindiauo Ysgolion Eraill	Rhywbeth i’w Wneud	Cydlyniant Cymunedol
Cyfle i Chwarae gyda Ffrindiau		Gwaith Partneriaeth
Darparu Bwyd		“Gwneud yn siŵr bod gan y plant hynny le i fynd iddo lle maen nhw’n ddiogel ac yn derbyn gofal, eu bod nhw’n cael gofal.”
“Am fy mod i’n ddiflas ac wedyn rydw i’n sylweddoli ei bod yn ddydd Mawrth heddiw ac rydw i eisiau gwneud rhywbeth hwyliog.”		“Mae cydlyniant cymunedol wedi bod yn flaenoriaeth fawr.”
“Rydw i’n mynd y tu allan ac yn chwarae gyda’r bechgyn neu’n eistedd y tu mewn ac yn ymlacio.”		“Cael rhai o’r darparwyr allanol yma i mewn i ddarparu gwahanol weithgarwch i bobl ifanc.”
“Bob tro rydw i’n dod yma, rydw i naill ai’n gwneud ffrindiau newydd neu’n gwneud pethau gwahanol.”		“Mae gan y plant rywle i fynd gyda’r nos.”
“Rydw i’n dod yma am y bwyd … ac am y chwaraeon.”

Gwelliannau

Disgyblion	Disgyblion a Staff	Staff
Mwy o Strwythur	Rhannu Rhwng Grwpiau Oedran	Dod yn Hwb Cymunedol
Rhoi Cynnig ar Weithgareddau Newydd		Ymddygiad
Sesiynau neu Dripiau Thema
“Pethau ar lefel uwch, o ran chwaraeon… pêl fasged, ie, pêl droed.”
“Dechrau tîm pêl fasged a chael hyfforddwr i ddod i mewn.”
“Ar Galan Gaeaf, gwneud rhywbeth i godi ofn.”		“Rydw i’n meddwl am gefnogaeth y gymuned i’r ysgol, mae’r ysgol mewn lleoliad perffaith i fod yn hwb.”
“Gwneud fersiwn i rai iau a rhai hŷn.”		“Fe hoffwn i gael hynny fel cymuned briodol i bob oedran (ie) a rhieni gymryd rhan, bod yn hwb i’r gymuned.”
“Mae’r ystod oedran yn eithaf eang weithiau felly mae angen rheoli hynny yn y sesiwn.”		“Rydw i’n gwybod bod y tîm wedi cael problemau ymddygiad fel gallwch chi gael mewn unrhyw sesiwn. Rydw i’n meddwl ei fod yn achos o gael y bois hynny i reoli hynny.”

Canfyddiadau

Cymerodd cyfanswm o 14 o ysgolion unigol ac un ffederasiwn,…

Darllen Mwy

Gwerthuso’r Rhaglen ‘Actif Tu Hwnt I’r Diwrnod Ysgol’

Er mwyn edrych arLeoliadau Addysg Actif yng nghyd-destun…

Darllen Mwy

Ysgol Gynradd Sofrydd

Ffocws yr ysgol: Cydweithrediad rhwng chwaraeon a’r gwasanaethau ieuenctid; mae ysgol yn lle diogel i fod yn actif

Trosolwg mynegi diddordeb

Beth weithiodd yn dda

Pwyntiau dysgu

Canfyddiad y staff a’r disgyblion

Y camau nesaf – mis Medi 2022 ymlaen

Elfennau Positif

Gwelliannau

Ysgol Gynradd Deighton

Ysgol Dylan Thomas

Ysgol John Frost

Ysgol Gynradd Gymunedol Johnston

Ysgol Gynradd Maendy

Ysgol Uwchradd Pencoedtre