Ffocws yr Ysgol: Datblygu darpariaeth iechyd a lles sy’n cyd-fynd â’r cwricwlwm ysgol newydd.
Trosolwg mynegi diddordeb
Yn Ysgol Y Grango (ysgol uwchradd yn Wrecsam sy’n gwasanaethu cymunedau’r Rhos, Johnstown, Penycae, Rhiwabon a Rhostyllen), mae gan 27.1% o’r disgyblion hawl i brydau ysgol am ddim. Yn hanesyddol mae cyfleusterau Ysgol Y Grango wedi cael eu defnyddio gan dimau chwaraeon oddi mewn i gymunedau cyfagos dalgylch yr ysgol a’r tu allan iddynt. Yn dilyn derbyn cyllid ar wahân, cafodd yr ysgol gae pêl droed 3G newydd ac roedd yn awyddus i wneud y defnydd gorau ohono drwy alluogi’r gymuned i gael mynediad cynyddol iddo y tu allan i’r diwrnod ysgol. Mewn cydweithrediad â’r bartneriaeth ysgol / hwb a Wrecsam Actif, ceisiwyd creu rhaglen newydd yn ystod y tymor ac yn ystod y gwyliau. Y bwriad oedd i’r cyllid gael ei wario ar bedwar maes cyffredinol i gefnogi creu hwb cymunedol:
- Offer
- Seilwaith (e.e. loceri newydd, ailaddurno, system archebu ar-lein)
- Mynediad a systemau diogelwch
- Dyddiau datblygu cymunedol
Gweithredu’r rhaglen
Derbyniodd yr ysgol gyllid rhwng mis Rhagfyr 2021 a mis Gorffennaf 2022. Roedd y cofnodion dysgu misol yn rhestru’r gweithgareddau yr oedd yr ysgol wedi bod yn eu cynnig, fel clwb brecwast, gŵyl pêl rwyd, ‘ystafell esgidiau’ o esgidiau sbâr i’w defnyddio ar y cae 3G. Roeddent hefyd yn ceisio gwella’r ystafelloedd newid i’w gwneud yn hygyrch i’r gymuned y tu allan i’r ysgol.
Drwy gwblhau cofnodion dysgu misol, tynnwyd sylw at y pwyntiau adlewyrchol allweddol a ganlyn, a nodwyd gweithredu’r rhaglen gan yr ysgol yn yr amserlen a ddangosir yn Ffigur 17:
Beth weithiodd yn dda:
- Cyfarfodydd ysgol misol a chyfarfod [fforwm ysgol] cyntaf Chwaraeon Cymru – cafwyd syniadau newydd a chyfle i weld a ellid trosglwyddo syniadau ysgolion eraill i’w cyd-destun eu hunain
- Cyrsiau arweinyddiaeth a oedd yn bwydo’n dda i’r cwricwlwm newydd ac a allai fod o fudd i glybiau lleol
Pwyntiau dysgu / meysydd i’w gwella:
- Lleihau ffocws yr ysgol ar gyfer y rhaglen a nodi meysydd ffocws allweddol
- Ystyried costau ychwanegu dyddiau clwb brecwast ychwanegol
Y camau nesaf:
- Creu cysylltiadau ag ysgolion clwstwr a chyfathrebu â chlybiau ac ysgolion cynradd yn rheolaidd
