Mae'r Map Gwerth yn ganolog i ddadansoddiad ECAF. Fe'i gelwir hefyd yn 'theori o newid' neu'n fodel rhesymeg a dyma'r fframwaith a ddefnyddir i adeiladu'r model ECAF. Cyfunodd y tîm ymchwil yr ymgysylltu â rhanddeiliaid a drafodwyd yn y bennod flaenorol gyda thystiolaeth a ddarparwyd gan randdeiliaid i gynhyrchu map o’r mewnbynnau, yr allbynnau a’r canlyniadau sy’n deillio o ymgysylltu â chwaraeon yng Nghymru. Mae Ffigur 4.1 yn crynhoi Map Gwerth Cymru.
Mae'r Map Gwerth a gyflwynir yn Ffigur 4.1 yn grynodeb cynhwysol o'r holl ganlyniadau a nodwyd gan y rhanddeiliaid, ymchwil trydydd parti a llenyddiaeth lwyd gyhoeddedig, gan gynnwys yr astudiaeth ECAF flaenorol ar gyfer Cymru. Mae ansawdd y dystiolaeth ar gyfer y gwahanol ganlyniadau a meysydd yn amrywio'n sylweddol. Gan fod cynulleidfa arfaethedig yr astudiaeth hon yn cynnwys Llywodraeth Cymru, roedd angen lefel uchel o drylwyredd. Felly, cyfyngwyd cwmpas yr astudiaeth ECAF i gynnwys dim ond y canlyniadau hynny y gellid cyflwyno tystiolaeth gadarn ohonynt. Mae hyn yn gyson ag arfer y rhan fwyaf o astudiaethau ECAF eraill ar lefel poblogaeth.
Fel cyfanswm, rhoddwyd gwerth ariannol i 15 o ganlyniadau yn y ECAF ar draws pedwar maes, gan gynnwys deg canlyniad iechyd, dau ganlyniad yn ymwneud â lles goddrychol a chyfalaf cymdeithasol ac un canlyniad yn ymwneud â’r buddion nad ydynt yn ymwneud â’r farchnad a sicrhawyd gan sefydliadau sy’n defnyddio gwirfoddolwyr chwaraeon. Cyflwynir y canlyniadau a gynhwysir yn ECAF Cymru yn Nhabl 4.1.
Tabl 4.1. Canlyniadau wedi'u cynnwys ym model chwaraeon ECAF ar gyfer Cymru
| Parth | Canlyniad | Grŵp poblogaeth |
| Iechyd | Llai o risg o CHD | Pob cyfranogwr 16 + |
| Llai o risg o strôc | Pob cyfranogwr 16 + | |
| Llai o risg o ddiabetes Math 2 | Pob cyfranogwr 16 + | |
| Llai o risg o ganser y fron | Cyfranogwyr benywaidd 16 + | |
| Llai o risg o ganser y colon | Pob cyfranogwr 16 + | |
| Llai o risg o dorri asgwrn y glun | Pob cyfranogwr 65 + | |
| Llai o risg o boen cefn | Pob cyfranogwr 16 + | |
| Llai o risg o iselder | Pob cyfranogwr 16 + | |
| Llai o risg o ddementia | Pob cyfranogwr 16 + | |
| Risg gynyddol o anaf | Pob cyfranogwr 16 + | |
| Lles Goddrychol | Gwell boddhad gyda bywyd | Pob cyfranogwr 16 + |
| Gwell boddhad gyda bywyd | Gwirfoddolwyr mewn clybiau chwaraeon (16+) | |
| Cyfalaf Cymdeithasol | Gwell cyfalaf cymdeithasol (rhwydweithiau cymunedol, cysylltiadau ac ymddiriedaeth) | Pob cyfranogwr 16 + |
| Gwell cyfalaf cymdeithasol (rhwydweithiau cymunedol, cysylltiadau ac ymddiriedaeth) | Gwirfoddolwyr mewn clybiau chwaraeon (16+) | |
| Arall | Manteision i sefydliadau chwaraeon sy'n defnyddio gwirfoddolwyr | Pob gwirfoddolwr (16+) |
Ffigur 4.1: Map Gwerth Chwaraeon yng Nghymru
| Cam 1 | Cam 2 | Cam 3 | |
| Rhanddeiliaid | Mewnbynnau | Allbynnau | Canlyniadau |
| Pwy a faint? | Beth maent yn ei fuddsoddi? | Crynodeb o weithgareddau | Pa newidiadau? |
Sector cyhoeddus - Llywodraeth Cymru - Chwaraeon Cymru - Iechyd Cyhoeddus Cymru - Awdurdodau Lleol - UK Sport - Ysgolion - Sefydliadau Addysg Uwch Sector preifat - Darparwyr chwaraeon masnachol - Cyflogwyr gyda chyfleusterau chwaraeon Trydydd sector - Clybiau chwaraeon gwirfoddol - Ymddiriedolaethau Chwaraeon a Hamdden - CRhC Chwaraeon - Elusennau cysylltiedig â chwaraeon - Sefydliadau Chwaraeon ar gyfer Datblygu Aelwydydd - Cyfranogwyr chwaraeon - Gwirfoddolwyr chwaraeon | Ariannol - Cyllid (e.e., datblygiad chwaraeon, gweinyddu, a chostau staff) - Gwariant cyfalaf ar adeiladu ac adnewyddu seilwaith chwaraeon; chwaraeon cymdogaeth yng Nghymru - Gwariant cyfranogwyr (taliadau / ffioedd gweithgarwch; costau offer; dillad ac esgidiau chwaraeon; costau teithio a chostau eraill) Anariannol - Amser gwirfoddolwyr
| Cyfranogiad chwaraeon - Amledd y cymryd rhan 150 munud yr wythnos 30 i 149 munud yr wythnos - Dwysedd y cyfranogiad - cymedrol neu egnïol Gwirfoddoli mewn chwaraeon - Amledd y cymryd rhan - Oriau a weithiwyd
| Iechyd - Iechyd corfforol a meddyliol gwell - Mwy o anafiadau chwaraeon Lles goddrychol - Gwell boddhad gyda bywyd - Gwell hapusrwydd - Teimlo’n fwy / llai gwerthfawr - Mwy / llai o orbryder Cyfalaf cymdeithasol - Cydlyniant cymunedol gwell - Cynyddu cynhwysiant cymdeithasol - Mwy o ymddiriedaeth Troseddu - Llai o ymddygiad gwrthgymdeithasol Addysg - Cyrhaeddiad addysgol gwell - Cyfalaf dynol uwch Arall Manteision i sefydliadau chwaraeon sy'n defnyddio gwirfoddolwyr
|
