Gyrfaoedd

Rydym yn cynnig pecyn buddion amrywiol. Rydym yn gefnogwyr brwd cydbwysedd rhwng bywyd a gwaith ac yn cynnig amrediad o ddulliau gwaith hyblyg. Mae’r buddion yn cynnwys: 

• 33 diwrnod o wyliau blynyddol  
• y dewis i brynu 5 diwrnod ychwanegol y flwyddyn 
• cyfleoedd gwaith hyblyg, gan gynnwys oriau gwaith hyblyg (pan fo hynny’n berthnasol) 
• cynllun Pensiwn Llywodraeth Leol neu Scottish Widows 
• cyfleoedd dysgu a datblygu cynhwysfawr 
• defnydd o gampfa ar y safle yn y Ganolfan Genedlaethol yng Nghaerdydd 
• rhaglen cymorth i gyflogeion sy’n cynnig gwasanaeth cwnsela 
• aelodaeth Clwb Chwaraeon a Hamdden y Gwasanaeth Sifil 
• cynllun beicio i'r gwaith 
• maes parcio a sied feiciau am ddim 

Credwn mewn dysgu a gwelliant parhaus. Pan fyddwch yn ymuno â ni, byddwch yn cael rhaglen ymsefydlu wedi'i theilwra a hyfforddiant hanfodol er mwyn i chi gychwyn arni. Byddwch hefyd yn cael mynediad i: 

• hyfforddiant sy’n benodol i'ch swydd 
• gweithdai amser cinio 
• hyfforddi a mentora 
• uwchsgilio yn y Gymraeg 
• cyfleoedd astudio hirdymor 

Gallwch ddarllen ein llawlyfr staff llawn, sy’n cynnwys rhagor o wybodaeth am: 

• strwythur tâl  
• pensiynau  
• absenoldeb rhiant  
• cydbwysedd bywyd a gwaith  

Er mwyn galluogi chwaraeon yng Nghymru i ffynnu, rhaid i'n gweithlu gynrychioli’r boblogaeth ehangach. Rydym wedi ymrwymo i recriwtio a denu talent amrywiol. Rydym yn annog ceisiadau gan grwpiau heb gynrychiolaeth ddigonol gan gynnwys lleiafrifoedd ethnig, pobl LHDTC+ a phobl anabl. Rydym yn defnyddio arferion recriwtio cynhwysol gan gynnwys creu rhestrau byr dall o ymgeiswyr. 

Rydym yn cydnabod y gallai’r ‘bwlch hyder’ effeithio ar amrywiaeth yr ymgeiswyr y byddwn yn clywed ganddynt. Mae ymchwil yn dynodi bod dynion yn aml yn ymgeisio am swyddi lle y maent yn bodloni 60% o’r meini prawf a restrwyd yn unig. Mae menywod yn tueddu i ymgeisio pan fyddant yn bodloni’r holl feini prawf a nodwyd. Canfuwyd canlyniadau tebyg mewn astudiaethau sy’n ymwneud â grwpiau eraill ar y cyrion. 

Os ydych chi’n credu y byddech chi’n addas iawn ar gyfer un o’n rolau, hyd yn oed os nad ydych chi’n bodloni pob pwynt yn y disgrifiad swydd, dylech ymgeisio. 

Rydym yn gyflogwr Hyderus o ran Anabledd. Rydym yn dymuno eich cynorthwyo gydag addasiadau trwy ein proses recriwtio er mwyn sicrhau eich bod yn gallu bod ar eich gorau. Gallai hyn gynnwys: 

• addasiadau hygyrchedd  
• unigolyn i'ch cynorthwyo mewn cyfweliad  
• technoleg gynorthwyol  
• amser ychwanegol i gwblhau tasgau neu asesiadau ysgrifenedig  

Nid yw’r rhestr hon yn cynnwys popeth, a hoffem i chi allu perfformio ar eich gorau. Os bydd angen unrhyw addasiadau arnoch, anfonwch e-bost at y cyswllt a nodir yn yr hysbyseb swydd, a fydd yn gallu eich cynghori. 

Gall offerynnau deallusrwydd artiffisial (AI) fel Chat GPT, Copilot a Gemini fod o gymorth yn ystod camau amrywiol wrth ymgeisio am swydd. Gallech ddefnyddio AI fel offeryn er mwyn ymchwilio i Chwaraeon Cymru a’r swydd yr ydych chi’n ymgeisio amdani. Gallech ei ddefnyddio hefyd i roi trefn ar eich meddyliau, mireinio eich gwaith ysgrifenedig neu eich helpu i baratoi am gyfweliad. 

Fodd bynnag, rydym yn dymuno dod i'ch adnabod chi fel unigolyn, felly dylech sicrhau bod unrhyw gynnwys y byddwch yn ei greu gyda chymorth AI yn eich adlewyrchu chi yn gywir. Ni ddylech ddefnyddio offerynnau AI i: 

• orliwio cymwysterau  
• camddehongli eich profiadau  
• copïo a gludo ymatebion generig heb eu golygu  

Efallai y byddwn yn defnyddio AI i gael syniadau ar gyfer hysbysebion swydd, disgrifiadau swydd, asesiadau a chwestiynau cyfweliad, ond ni fyddwn fyth yn defnyddio offerynnau AI i wneud penderfyniadau dethol neu gyflogi. 

Yn ystod eich cais, rydym yn deall y byddwn yn gofyn i chi rannu gwybodaeth bersonol a sensitif. Rydym wedi ymrwymo i barchu eich preifatrwydd. Byddwn yn dal ac yn prosesu’r holl wybodaeth bersonol y byddwch yn ei darparu yn ystod y broses gofrestru ac ymgeisio yn unol â Deddf Diogelu Data 2018. 

Gallwch ddarganfod mwy am y ffordd yr ydym yn defnyddio gwybodaeth bersonol yn ein polisi preifatrwydd.