Partneriaid cenedlaethol

Nod y Gymdeithas Nofio ar gyfer Pobl Dduon (BSA) yw sicrhau bod y sector campau dŵr yn fwy amrywiol. Trwy gyfrwng gweithgarwch ymgynghori, cymorth, ymchwil ac addysg, eu nod yw helpu pobl o dreftadaeth Affricanaidd, Garibïaidd ac Asiaidd i: 

• gael cydraddoldeb o ran mynediad a mynediad teg at ddiogelwch dŵr  
• lleihau risg boddi  
• cael budd o gymryd rhan yn y campau dŵr, o lawr gwlad i’r ystafell bwrdd  

Maent yn cynorthwyo partneriaid trwy:  

• hyrwyddo amrywiaeth a chynhwysiant ym maes y campau dŵr ar gyfer pob cymuned 
• cynghori sut i gynllunio a darparu rhaglenni cynhwysol 
• hyfforddi a mentora pobl o gefndiroedd heb gynrychiolaeth ddigonol 

Gallwch gael gwybod mwy am BSA ar eu gwefan neu trwy anfon e-bost atynt, at contactus@thebsa.co.uk.  

Mae Clybiau Bechgyn a Merched Cymru (BGC Cymru) yn cynnwys clybiau ieuenctid ar hyd a lled y wlad. Maent yn cynnig y cyfle i bobl ifanc gymryd rhan mewn amrediad o weithgareddau, gan gynnwys chwaraeon. Eu nod yw helpu pobl ifanc: 

• gyda’u datblygiad meddyliol, moesol a chorfforol 
• trwy gynnig lle diogel iddynt hyfforddi a datblygu 
• meithrin hunan-hyder, cymhelliant a sgiliau cyfathrebu 

Maent yn gweithio gyda sefydliadau partner er mwyn cynnig: 

• mynediad i chwaraeon a gweithgarwch corfforol ar gyfer pobl ifanc 
• hyfforddiant ym maes gwaith ieuenctid, diogelu, cymorth cyntaf ac arweinyddiaeth chwaraeon 

Gallwch gael gwybod mwy am BGC Cymru ar eu gwefan neu trwy anfon e-bost atynt, at office@bgc.wales. 

Mae ColegauCymru yn cynrychioli ac yn hyrwyddo’r sector addysg bellach (AB) yng Nghymru. Nod eu ‘cymorth actif’ ar gyfer colegau yw gwella lles dysgwyr, yn ogystal â chryfhau’r sector AB ehangach. Eu nod yw: 

• gwella lles emosiynol, cymdeithasol a chorfforol dysgwyr 
• helpu i greu cymuned o golegau mwy actif, iach a hyderus 
• cynorthwyo mynediad gwell i chwaraeon a gweithgarwch corfforol 

Maent yn gweithio gyda rhwydweithiau sector a grwpiau proffesiynol er mwyn: 

• rhannu arfer gorau ar gyfer lles actif ar draws colegau 
• dangos manteision lles actif o fewn AB i randdeiliaid 
• cryfhau’r sector AB ac ehangu cyfleoedd i ddysgwyr a staff 

Gallwch gael gwybod mwy am ColegauCymru ar eu gwefan neu trwy anfon e-bost atynt, at hello@collegeswales.ac.uk.  

Mae Chwaraeon Anabledd Cymru (DSW) yn elusen sy’n helpu pobl anabl i gael budd o chwaraeon a gweithgarwch corfforol, gan sicrhau bod pobl anabl yr un mor debygol o fwynhau gweithgarwch corfforol ag y mae pobl nad ydynt yn anabl. Eu nod yw:  

• creu sector chwaraeon lle y gall pob unigolyn anabl gymryd rhan mewn chwaraeon 
• cynnig gwir ddewis o ran ble, pryd a sut y mae pobl yn cymryd rhan mewn chwaraeon 

Maent yn gweithio gyda chlybiau, cyrff llywodraethu cenedlaethol a sefydliadau eraill o’r sector cyhoeddus er mwyn:  

• sicrhau bod cynhwysiant yn cael ei dderbyn a’i goleddu ar draws y tirlun chwaraeon 
• darparu gweithdai ac adnoddau dysgu er mwyn cynnig cyfleoedd chwaraeon cynhwysol 
• helpu hyfforddwyr a gwirfoddolwyr i greu amgylchedd mwy cynhwysol ar gyfer pobl anabl  

Gallwch gael gwybod mwy am DSW ar eu gwefan neu trwy anfon e-bost atynt, at office@disabilitysportwales.com. 

Mae Girlguiding Cymru yn darparu gwasanaethau ieuenctid mewn cymunedau ar draws Cymru, gan helpu merched 4 i 25 oed i feithrin eu sgiliau a’u lles. Eu nod yw helpu merched a menywod ifanc:  

• i gymryd rhan mewn gweithgarwch corfforol a chwaraeon, gan feithrin eu hyder a’u sgiliau 
• cael cyfleoedd teg mewn chwaraeon 
• i fod yn addysgwyr chwaraeon, yn fentoriaid cymheiriaid ac yn arweinwyr ifanc 

Maent yn gweithio mewn partneriaeth â chyrff llywodraethu cenedlaethol er mwyn:  

• cynnig profiadau i roi cynnig ar chwaraeon a gweithgareddau newydd mewn amgylchedd diogel 
• darparu hyfforddiant a gweithdai ychwanegol i ferched 
• cynnig cymwysterau arwain chwaraeon 

Gallwch gael gwybod mwy am GirlguidingCymru ar eu gwefan neu trwy anfon e-bost atynt, at waleshq@girlguidingcymru.org.uk.  

Mae’r Sefydliad Sgiliau Arwain yn darparu cymwysterau a gwobrau arwain i filoedd o bobl ifanc yng Nghymru bob blwyddyn. Eu nod yw:  

• cynorthwyo pobl ifanc o bob cefndir ar draws pob cymuned yng Nghymru 
• sicrhau bod pobl ifanc yn siapio eu dyfodol eu hunain ac yn arwain eu cymunedau 
• addysgu sgiliau bywyd a chyflogadwyedd i bobl ifanc, gan wella eu hyder, eu sgiliau cyfathrebu a’u hunan-barch  

Maent yn cydweithio gydag awdurdodau lleol, ysgolion a chyrff llywodraethu cenedlaethol er mwyn:  

• rhoi’r offerynnau i bobl ifanc lwyddo ym myd addysg, cyflogaeth a thu hwnt 
• creu hyfforddwyr, swyddogion ac arweinwyr y dyfodol 
• creu seilwaith y gall y sector gael budd ohono 

Gallwch gael gwybod mwy am y Sefydliad Sgiliau Arwain ar eu gwefan neu trwy anfon e-bost atynt, at contact@sportsleaders.org.  

Mae’r Bartneriaeth Awyr Agored yn gweithio ar draws Cymru i gynorthwyo pobl ifanc i gymryd rhan mewn gweithgareddau yn yr awyr agored fel gweithgarwch gydol oes. Eu nod yw: 

• annog pobl i fod yn actif yn yr awyr agored 
• meithrin capasiti ar gyfer cyfranogi lleol a datblygiad sgiliau 
• datblygu rhaglenni o ansawdd sy’n cynnig profiadau pleserus yn yr awyr agored 

Maent yn gweithio gyda rhanddeiliaid a phartneriaid allweddol i: 

• ddarparu a hyrwyddo mynediad i’r awyr agored 
• rhannu dysgu ar draws y sector 
• darparu hyfforddiant ac addysg er mwyn gwella cyflogadwyedd yn y sector 

Gallwch gael gwybod mwy am y Bartneriaeth Awyr Agored ar eu gwefan neu trwy anfon e-bost atynt, at info@outdoorpartnership.co.uk. 

Sported yw’r rhwydwaith mwyaf o grwpiau chwaraeon cymunedol ar lawr gwlad yng Nghymru, sy’n mynd i’r afael ag anghydraddoldeb. Mae’n cynorthwyo pobl leol sy’n rhedeg grwpiau ac yn creu newid cymdeithasol parhaus yn eu cymunedau. Eu nod yw:  

• canolbwyntio ar y cymunedau sy’n cael eu gwasanaethu lleiaf yng Nghymru 
• helpu pobl ifanc o bob cefndir 

Maent yn awyddus i gydweithio gyda sefydliadau a chyrff llywodraethu cenedlaethol er mwyn: 

• darparu datblygiad cymunedol dros y tymor hir  
• tywys grwpiau ynghylch codi arian a chynllunio busnes 
• gwella nerth a chynaliadwyedd grwpiau chwaraeon cymunedol  

Gallwch gael gwybod mwy am Sported ar eu gwefan neu trwy anfon e-bost atynt, at info@sported.org.uk.  

Mae StreetGames yn defnyddio chwaraeon i newid bywydau pobl ifanc mewn cymunedau incwm isel ac nad ydynt yn cael gwasanaeth digonol. Eu nod yw:  

• sicrhau bod pawb yng Nghymru yn cael budd o gymryd rhan mewn chwaraeon  
• rhoi sylw i anghydraddoldebau ar lefel uchel rhwng y bobl ifanc tlodaf a mwyaf cyfoethog  

Maent yn gweithio gyda phartneriaid cymunedol: 

• i wella’u cyrhaeddiad i gymunedau ac ardaloedd nad ydynt yn cael gwasanaeth digonol 
• i ddarparu gweithdai hyfforddiant a chymwysterau  

Gallwch gael gwybod mwy am StreetGames ar eu gwefan neu trwy anfon e-bost atynt, at info@streetgames.org. 

Mae UDOIT! yn defnyddio dawnsio stryd i ysbrydoli ac ymgysylltu â phobl ifanc, yn enwedig y rhai o gefndiroedd difreintiedig neu lai actif. Mae’n eu helpu i feithrin hyder a chysylltu â’u cymunedau. Eu nod yw: 

• defnyddio dawns i ymgysylltu pobl ifanc o’r newydd ag addysg 
• cynnig cyfleoedd cynhwysol a hygyrch i fod yn actif 
• helpu pobl ifanc i deimlo eu bod yn cael eu gwerthfawrogi ac yn fwy cysylltiedig trwy gyfrwng profiadau dawns cadarnhaol 

Maent yn gweithio gyda sefydliadau ac awdurdodau lleol: 

• i gynnig mynediad i bobl ifanc i sesiynau dawnsio stryd gynhwysol yn eu cymunedau 
• i ddarparu rhaglenni a digwyddiadau sy’n annog gweithgarwch corfforol parhaus 
• i gyrraedd pobl ifanc sy’n wynebu rhwystrau efallai trwy gynnig amgylcheddau diogel a chefnogol 

Gallwch gael gwybod mwy am UDOIT! ar eu gwefan neu trwy anfon e-bost atynt, at info@udoitdance.co.uk. 

Yr Urdd yw’r mudiad ieuenctid Cymraeg mwyaf. Maent yn darparu profiadau chwaraeon, celfyddydol a phreswyl i bobl ifanc. Eu nod yw: 

• defnyddio’r iaith Gymraeg a chwaraeon er mwyn ymgysylltu â phlant, pobl ifanc a theuluoedd 
• cynyddu cyfleoedd i gymryd rhan mewn chwaraeon 
• cynorthwyo a datblygu hyfforddwyr a gwirfoddolwyr 

Maent yn gweithio gyda chlybiau a sefydliadau:  

• i ddarparu chwaraeon a gweithgarwch corfforol trwy gyfrwng yr iaith Gymraeg 
• i drefnu a chynnal cystadlaethau rhanbarthol a chenedlaethol ar lefel uchel 
• i gynnig hyfforddiant a phrentisiaethau chwaraeon 

Gallwch gael gwybod mwy am yr Urdd ar eu gwefan neu trwy anfon e-bost atynt, at chwaraeon@urdd.org. 

Mae Sport Diversity Cymru yn dwyn cymunedau ar draws Cymru ynghyd i drawsnewid chwaraeon, gan gryfhau cymunedau ethnig amrywiol trwy gyfrwng chwaraeon er mwyn cael dyfodol mwy cynhwysol. Eu nod yw:  

• hyrwyddo grym trawsnewidiol chwaraeon 
• cynyddu nifer y bobl sy’n cymryd rhan mewn chwaraeon o gymunedau ethnig amrywiol  
• sicrhau bod clybiau chwaraeon yn fwy croesawgar a chynhwysol 

Maent yn cefnogi cyrff llywodraethu cenedlaethol, clybiau a phartneriaethau chwaraeon trwy rannu sut i:  

• ymgysylltu â chymunedau amrywiol  
• sicrhau bod gwasanaethau yn hygyrch ar gyfer grwpiau ar y cyrion  

Gallwch gael gwybod mwy am Sport Diversity Cymru ar eu gwefan neu trwy anfon e-bost atynt at Rajma Begum, at rbegum@wcva.cymru. 

Cymdeithas Chwaraeon Cymru (WSA) yw’r corff aelodaeth annibynnol ar gyfer y sector chwaraeon a hamdden yng Nghymru. Eu nod yw:  

• cryfhau’r sector chwaraeon a hamdden yng Nghymru 
• bod yn llais unedig ac annibynnol sy’n siapio polisi a phenderfyniadau 
• cynnig offerynnau ymarferol, hyfforddiant, llywodraethu a chymorth ariannol 

Maent yn cynorthwyo partneriaid trwy:  

• gynrychioli’r sector gyda Llywodraeth Cymru a swyddogion polisi 
• darparu gwasanaethau ar draws y sector megis y gwasanaeth gwirio DBS dwyieithog 
• cynnig sgiliau ym maes busnes, cynhwysiant a chynaliadwyedd 

Gallwch gael gwybod mwy am WSA ar eu gwefan neu trwy anfon e-bost at Andrew Howard, at andrew.howard@wsa.wales. 

Mae’r Ymddiriedolaeth Chwaraeon Ieuenctid yn elusen sy’n cynorthwyo addysgwyr a phobl ifanc ar draws Cymru, gan ddefnyddio chwaraeon a gweithgarwch corfforol i wella lles, hyder a sgiliau arwain. Eu nod yw:  

• helpu ysgolion i ddatblygu addysg gorfforol o ansawdd uchel 
• annog arweinyddiaeth ieuenctid 
• sicrhau bod chwaraeon yn gynhwysol, yn hygyrch ac yn gadarnhaol i bob plentyn a pherson ifanc 

Maent yn gweithio gydag awdurdodau lleol, cyrff llywodraethu cenedlaethol a grwpiau addysg i:  

• leihau rhwystrau sy’n cyfyngu ar fynediad pobl ifanc i chwaraeon, a’u mwynhad ohono 
• cael pobl ifanc i ymgymryd â rolau arwain a mentora 
• rhannu ymchwil a mewnwelediad er mwyn helpu partneriaid i ddeall anghenion pobl ifanc yn well 

Gallwch gael gwybod mwy am yr Ymddiriedolaeth Chwaraeon Ieuenctid ar eu gwefan neu trwy anfon e-bost atynt, at info@youthsporttrust.org.