Athrofa Chwaraeon Cymru

Helpu athletwyr i reoli galwadau hyfforddiant a chystadlu gyda bywyd y tu allan i chwaraeon. Rydym yn darparu cymorth wedi’i deilwra ynghylch sut i sicrhau cydbwysedd rhwng datblygiad personol a phroffesiynol, gan ganolbwyntio ar les, gyrfaoedd deuol a phontio allan o chwaraeon. Rydym yn cydnabod ac yn cynorthwyo athletwyr fel pobl gyflawn. 

Rydym yn helpu athletwyr i: 

• gynnal perfformiad a llwyddiant o fewn chwaraeon a thu allan i chwaraeon 
• ymwreiddio lles a chydbwysedd bywyd yn eu harfer dyddiol 
• meithrin sgiliau a hyder, a fydd hefyd yn eu helpu y tu hwnt i'w gyrfaoedd chwaraeon

Defnyddio meddygaeth sy’n seiliedig ar dystiolaeth i gynorthwyo iechyd a pherfformiad hirdymor athletwyr. Rydym yn gweithio gyda gwasanaethau eraill yr Athrofa i gadw athletwyr yn ddiogel a lleihau risg dianghenraid.

Rydym yn helpu athletwyr a’u timau i:

• reoli salwch ac anafiadau
• gwneud penderfyniadau da dan bwysau 
• cynllunio eu dychweliad i berfformio ar ôl cael anaf
• trosi canllawiau iechyd cenedlaethol yn gyngor meddygol perfformiad uchel

Defnyddio grym bwyd i wella iechyd a pherfformiad, yn ystod cyfnodau paratoi ac mewn cystadlaethau.

Rydym yn helpu athletwyr i: 

• ddefnyddio cysyniadau cyflenwi, adfer a hydradu
• cynllunio strategaethau maeth ar gyfer hyfforddiant a chystadlaethau
• rheoli cyfansoddiad y corff, gan gynnwys mewn chwaraeon lle y ceir categorïau pwysau
• cael perthynas gadarnhaol gyda bwyd

Helpu athletwyr a hyfforddwyr i ddeall a monitro perfformiad wrth hyfforddi a chystadlu, gan gyfuno dirnadaeth sy’n seiliedig ar ddata, fideo a thystiolaeth.

Rydym yn cynorthwyo athletwyr a hyfforddwyr trwy:

• olrhain datblygiad dydd-i-ddydd athletwyr a chynorthwyo eu cynnydd hirdymor
• rhannu perfformiadau yn elfennau er mwyn tywys gwelliannau
• dadansoddi gwrthwynebwyr a’r gystadleuaeth er mwyn cynorthwyo wrth baratoi

cynnig adborth clir a defnyddiadwy, sydd â ffocws

Deall sut y mae’r corff dynol yn ymateb, yn addasu ac yn perfformio mewn chwaraeon elît. Rydym yn canolbwyntio ar yr hyn sy'n gwneud y gwahaniaeth mwyaf yn gorfforol ar gyfer pob chwaraeon, gan ddefnyddio’r wybodaeth hon er mwyn helpu i gynllunio hyfforddiant ar gyfer athletwyr.

Rydym yn cynorthwyo athletwyr trwy:

• fonitro ymatebion ffisiolegol i hyfforddiant
• olrhain a rheoli llwyth hyfforddi mewnol ac allanol
• cynghori am y ffordd orau o gynhesu, cyflenwi ac adfer ar gyfer cystadlaethau
• eu helpu i ymdopi â theithio yn bell, a pherfformio yn y gwres ac mewn uchelderau

Defnyddio ffisiotherapi wedi’i arwain gan wyddoniaeth er mwyn siapio adfer ar gyfer perfformiad. Rydym yn gweithio gyda hyfforddwyr a thimau er mwyn helpu athletwyr i fod mor gydnerth ag y bo modd. Rydym yn mynd y tu hwnt i drin anafiadau yn unig.

Rydym yn helpu athletwyr a’u hyfforddwyr i:

• ragweld risgiau anafiadau 
• bod yn gadarn yn gorfforol 

hyfforddi'n gyson er mwyn sicrhau perfformiad cynaliadwy

Creu amgylcheddau chwaraeon lle y mae athletwyr yn teimlo’n ddiogel, yn gysylltiedig â bod rhywun yn gofalu amdanynt. Rydym yn gweithio gydag athletwyr, hyfforddwyr a thimau perfformio, gan siapio’r hyn y mae athletwyr yn ei weld, yn ei glywed ac yn ei deimlo bob dydd yn eu hamgylcheddau.

Nod ein dull gweithredu o ran iechyd meddwl yw: 

• ystyried perthnasoedd a phrofiadau go iawn athletwyr
• datblygu amgylcheddau lle y gall athletwyr ffynnu
• gwella perfformiad a phrofiadau athletwyr

Datblygu cryfder cyhyrol, pŵer a gwydnwch, er mwyn gwella perfformiad athletaidd a lleihau’r risg o ddioddef anaf. Ein nod yw helpu athletwyr i gymryd cyfrifoldeb dros eu gwaith paratoi corfforol eu hunain, gan roi’r sgiliau corfforol, y wybodaeth a’r hyder angenrheidiol iddynt.

Rydym yn helpu athletwyr trwy:

• ystyried anghenion unigol trwy gyfrwng gweithgarwch profi a chynllunio hyfforddiant
• rhoi cyngor am hyfforddiant ar gyfer galwadau chwaraeon penodol
• darparu gwaith monitro hirdymor

Swyddi gwag 

Trowch at dudalen gyrfaoedd Chwaraeon Cymru i weld manylion unrhyw swyddi gwag sydd gennym ar gael ar hyn o bryd.

Profiad gwaith 

Nid ydym yn cynnig profiad gwaith.