YN BRESENNOL: Y Farwnes Tanni Grey-Thompson (Cadeirydd), Ian Bancroft (Is Gadeirydd), Nicola Mead-Batten, Philip Tilley, Nuria Zolle, Rhian Gibson, Martin Veale, Hannah Bruce, Rajma Begum, Judi Rhys
STAFF: Brian Davies (PSG), Emma Wilkins, Graham Williams, Owen Lewis, Craig Nowell, Rachel Davies, Wendy Yardley (cofnodion)
Arsylwyr o Blith y Staff: Neil Emberton
Allanol: Neil Welch (Llywodraeth Cymru)
1. Croeso / Ymddiheuriadau am absenoldeb
Croesawodd y Cadeirydd bawb i'r cyfarfod. Diolchwyd yn gynnes iawn i Martin Veale, Philip Tilley a Judi Rhys am eu cyfraniadau fel aelodau gwerthfawr o'r Bwrdd, gan mai hwn fyddai eu cyfarfod olaf o'r Bwrdd. Croesawyd Neil Emberton (ar-lein) i'r cyfarfod hefyd fel arsylwr o blith y staff a chyfrannwr at yr adroddiad Gwrth-Gyffuriau, yn ogystal â Neil Welch (Llywodraeth Cymru) a longyfarchwyd am y digwyddiad Merched mewn Chwaraeon ar y noson cyn gêm Cymru v Yr Alban yng Nghwpan Rygbi'r Byd y Merched (WRWC) ym Manceinion.
2. Datgan budd (os yw’n newydd)
Fe wnaeth HB ddatgan budd – Cadeirydd Cymdeithas Genedlaethol Spondylitis (dim gwrthdaro buddiannau ond roedd eisiau nodi).
3. Cofnodion y cyfarfodydd diwethaf
3.1 Nodiadau cyfarfod CGG - 20 Awst 2025 SW(25)36
Papur ar gyfer penderfyniad.
Cam Gweithredu: Cymeradwyodd y Bwrdd y nodiadau.
3.2 Cofnodion, Log Gweithredu, Traciwr Penderfyniadau a Materion yn Codi
Cytunwyd bod y cofnodion yn gofnod manwl gywir ac felly fe'u cymeradwywyd.
3.3 Traciwr Penderfyniadau
Dim camau gweithredu yn weddill.
4. Adroddiad y Cadeirydd a'r Weithrediaeth
4.1 Adroddiad y Cadeirydd a'r Weithrediaeth SW(25)37
Papur ar gyfer penderfyniad. Tynnodd y PSG sylw at ychydig o eitemau penodol yn yr adroddiad. Gellir cyhoeddi o'r diwedd bod 5 aelod newydd o'r Bwrdd wedi'u penodi gan y Gweinidog, er nad ydynt wedi'u henwi’n gyhoeddus eto. Bydd y tîm Gweithredol yn trefnu proses sefydlu cyn gynted â phosibl yn dilyn y datganiad cyhoeddus. Mae cam nesaf Ymchwiliad Cyhoeddus Covid-19 y DU (Modiwl 10) wedi gofyn am gyflwyniad gan Chwaraeon Cymru, sydd wedi'i ddarparu ar ffurf ddrafft i'r Clerc. Yr wythnos nesaf bydd Pwyllgor Diwylliant y Senedd yn cynnal ei sesiwn graffu flynyddol gyda Chwaraeon Cymru, a bydd y Cadeirydd a GW yn mynychu yn absenoldeb y PSG.
UK Sport: Mae'r Cadeirydd newydd, Dr Nick Webborn, wedi dechrau yn ei swydd. Crybwyllodd y Cadeirydd nad oedd y ddau gyfarfod diwethaf yn cynnwys cynrychiolydd o Ogledd Iwerddon o hyd.
Tasglu Merched mewn Chwaraeon DCMS: Gwahoddwyd y Cadeirydd i gyfarfod cyntaf y fenter hon gan Lywodraeth y DU, a drefnwyd i gyd-fynd â rownd derfynol WRWC.Mae’n ymddangos y bydd bellach yn broses aelodaeth gylchdroi. Rhywbeth i ni ac uned Polisi Chwaraeon LlC ei fonitro.
Iechyd Cyhoeddus Cymru (ICC): perthynas gynyddol gadarnhaol gydag ICC. Roedd Cadeirydd Chwaraeon Cymru wedi cyfarfod â Chadeirydd ICC ym mis Awst ac mae lefel y synergedd yn gwella yn gyffredinol. Ymrwymiad i drefnu cyfarfodydd ar y cyd â Swyddogion LlC ac ar lefel Bwrdd.
Chwaraeon Diogel: Cynnydd mewn perthynas â'r adroddiad Chwaraeon Diogel, gyda Nick Pink wedi'i benodi'n Gadeirydd y grŵp Goruchwylio i fwrw ymlaen â'r argymhellion y cytunwyd arnynt yn wreiddiol. James Owens a'r tîm yn cyfrannu at, ac yn monitro, datblygiadau.
Gemau'r Gymanwlad: Rhannodd OL gyd-destun pellach i fanteision presenoldeb penodol yn y Gemau, y broses y bydd y Weithrediaeth yn bwrw ymlaen â hi.
IWG: Ychwanegodd y Cadeirydd ei bod wedi cyfarfod â Lisa Wainwright (IWG) a ddiolchodd i Chwaraeon Cymru am ei holl gefnogaeth i IWG. Awgrymodd y PSG y gallem gynnal Cyfarfod Bwrdd yn y dyfodol yn Birmingham i gyd-fynd ag Uwchgynhadledd Fyd-eang IWG ym mis Gorffennaf 2026.
CYMERADWYODD Y BWRDD Y PAPUR
5. Polisi a Strategaeth
5.1 Diweddariad Cynllun Busnes – SW(25)38
Papur trafod. Roedd rhai uchafbwyntiau nodedig yn cynnwys y porthol buddsoddiadau – mae'r darparwr system presennol wedi rhoi rhybudd o dynnu'n ôl, sydd wedi arwain at ddechrau proses gaffael fanwl. Mae’r Partneriaethau Chwaraeon wedi'u sefydlu i gyd ac ychwanegodd GW fod hysbyseb allan am Gadeirydd Annibynnol ar gyfer Gwent. Cadarnhaodd EW fod elfen Gynaliadwyedd y Cynllun Busnes yn ôl ar y trywydd iawn yn dilyn penodi secondai gydag arbenigedd ym maes caffael ynghyd â rhywfaint o ymdrech gydlynol gan y timau Arlwyo a Chadw Tŷ. Prosiect Gwydnwch Sector – mae penodiad mewnol tymor penodol wedi'i gadarnhau i roi mwy o ffocws i'r maes pwysig hwn.
5.2 Gwall wrth rifo'r agenda – felly, dim adroddiad.
5.3 Adroddiad Blynyddol Plas Menai: 2024-5 SW(25)39
Papur Sicrwydd a Thrafod. Cafodd yr adroddiad hwn ei drafod hefyd yng Nghyfarfod yr Ymddiriedolaeth. Awgrymwyd, o ystyried pwysigrwydd y bartneriaeth, y gellid ystyried diweddariadau dros dro.
5.4 Adroddiad Gwrth-Gyffuriau Blynyddol: SW(25)40
Papur Sicrwydd a thrafodaeth. Diolchodd y PSG i NE o'r tîm Llywodraethu ac NMB fel Hyrwyddwr y Bwrdd am eu hymdrechion yn y maes hwn. Gofynnwyd i'r Bwrdd ystyried penodi Dirprwy Hyrwyddwr y Bwrdd at ddibenion olyniaeth, a chytunwyd y gallai'r Cadeirydd fwrw ymlaen â phenderfyniad. Codwyd cwestiwn ynghylch unrhyw faterion cydraddoldeb a nodwyd yn yr Asesiad Effaith o Bolisi Gwrth-Gyffuriau'r DU. Ymatebodd y PSG drwy ddweud nad oedd yn ymwybodol o unrhyw faterion cydraddoldeb penodol yn y maes hwn yn hanesyddol ond y byddai'r Asesiad ei hun yn cael ei gynnal gan UKAD.
5.5 Diweddariad Pêl-rwyd Cymru / Dreigiau Caerdydd
Diweddariad llafar. Yn dilyn cyfarfod y Grŵp Llywodraethu Beirniadol (CGG), gwnaed cynnig i Bêl-rwyd Cymru am fenthyciad tymor penodol ynghyd â chadarnhad o grant Loteri Elite Cymru. Mae'r datrysiad yn glynu wrth y ddwy egwyddor a gytunwyd yn CGG. Bydd BDO, yr ymgynghorwyr annibynnol a wnaeth y gwaith sicrwydd yn erbyn Cynllun Busnes Pêl-rwyd Cymru, yn cynnal ymchwiliad pellach nawr i'r broses ymateb ac unrhyw wersi i'w dysgu. Diolchodd y Cadeirydd i'r holl dîm cysylltiedig am eu gwaith caled.
6. Cyllid, Risg a Llywodraethu
6.1 Cyfrifon Statudol 2024/25; Cyfunol CChC; Ymddiriedolaeth CChC; Loteri; Archwilio Cymru ISA260; Y Swyddfa Archwilio Genedlaethol ISA260 SW(25)41
Papur Cymeradwyo. Dechreuodd yr archwiliad ar 16 Mehefin 2025 - rhoddwyd statws diamod i’r cyfrifon cyfun a Loteri. Ychwanegodd MV, fel Cadeirydd ARAC, fod y cyfrifon o safon wych a bod aelodau ARAC yn frwd eu canmoliaeth i’r tîm Cyllid.
CYMERADWYODD Y BWRDD Y PAPUR
6.2 Adroddiad Cyllid – SW(25)42
Papur er gwybodaeth. Gofynnodd MV am eglurhad o’r opsiynau ar gyfer y gwarged a nodwyd. Esboniodd EW fod angen trafodaeth bellach o hyd ar y rhai a nodwyd yn y papur yn y Weithrediaeth ond yr un â'r effaith fwyaf oedd y posibilrwydd o ailddyrannu cefnogaeth y Partneriaethau Chwaraeon.
Roedd rhywfaint o ansicrwydd ynghylch y sefyllfa bensiwn er ei bod yn fwy tebygol y bydd modd adfer taliadau diffyg y flwyddyn nesaf.
7. Adroddiadau Grwpiau a Phwyllgorau Sefydlog y Bwrdd
7.1 Crynodeb o’r Is-grwpiau - SW(25)43
Papur gwybodaeth a oedd yn crynhoi trafodaethau a phenderfyniadau cyfarfodydd is-grwpiau'r Bwrdd ers cyfarfod blaenorol y Bwrdd.
Unrhyw Fater Arall
Dyddiadau’r cyfarfodydd yn y dyfodol - WY i edrych ar ddyddiaduron ac anfon gwahoddiadau.
Gan nad oedd unrhyw fater pellach i’w drafod, diolchodd y Cadeirydd i bawb am fynychu. Daeth y cyfarfod i ben am 12:30.
8. Dyddiad y cyfarfod nesaf: 21 Tachwedd 2025 (CGChC).
Dyddiadau ar gyfer 2026:
20 Chwefror, 15 Mai, 10 Gorffennaf (Birmingham, i'w gadarnhau), 18 Medi, 20 Tachwedd
Cymeradwywyd y cofnodion hyn gan y Bwrdd yn ei gyfarfod ar 21 Tachwedd 2025.