Mae fframwaith Arwain Cymru yn offeryn ymarferol a datblygiadol sy’n helpu i: 

  • feithrin hyder yn y sefydliadau yr ydym yn eu hariannu 
  • eich cynorthwyo chi fel partner i wella eich trefniadau llywodraethu a’ch arweinyddiaeth 
  • annog diwylliannau, ymddygiad ac uniondeb cryf 

Defnyddio’r fframwaith  

Mae’r fframwaith yn cynnwys elfennau craidd, sef y safonau gofynnol y dylech eu bodloni. Mae’r fframwaith hefyd yn cynnwys elfennau arfer da. Mae’r rhain yn cynnwys meysydd llywodraethu ac arweinyddiaeth y gall eich sefydliadau eu datblygu. Mae’r fframwaith yn cynnwys 5 egwyddor allweddol: 

  1. Cydymffurfiaeth sefydliadol a chyfreithiol 
  2. Pobl a diwylliant 
  3. Dirnadaeth, ymgysylltu a strategaeth 
  4. Sefydliad a gaiff ei redeg mewn ffordd effeithiol 
  5. Cyllid 

Er mwyn manteisio i'r eithaf ar y fframwaith, dylech: 

  • adolygu a deall yr elfennau craidd a’r enghreifftiau arfer da 
  • gwirio eich sefydliad yn erbyn yr elfennau hyn  
  • creu cynllun gwella pobl a llywodraethu er mwyn cynorthwyo datblygiad parhaus 

Os oes gennych chi unrhyw gwestiynau neu os bydd angen unrhyw help arnoch gyda’r fframwaith, anfonwch e-bost at ein tîm, at governance@sport.wales.