Mae partneriaethau chwaraeon wedi cael eu sefydlu ar gyfer 5 rhanbarth yng Nghymru. Bydd y partneriaethau hyn yn canolbwyntio ar chwaraeon a gweithgarwch corfforol yn eu rhanbarthau. Byddant yn:
- darparu arweinyddiaeth strategol
- cynllunio
- gwneud penderfyniadau
Nod partneriaethau chwaraeon yw ein helpu i:
- roi sylw i anghydraddoldebau mewn chwaraeon
- cynyddu amrywiaeth y partneriaid strategol a’r darparwyr gwasanaeth ym mhob rhanbarth
- sicrhau bod cyfleoedd ar gael i bobl nad ydynt yn actif yn gorfforol yn rheolaidd
- gwaredu rhwystrau i bobl y mae angen yr help mwyaf arnynt i gymryd rhan mewn chwaraeon
- bodloni'r galw uchel gan bobl sy’n actif ond sy’n dymuno gwneud mwy
- rhannu a chyfuno gwybodaeth, adnoddau, sgiliau a dysgu ar draws pob rhanbarth
Gwella mynediad
Ein gweledigaeth ar gyfer chwaraeon yng Nghymru yw cael cenedl actif lle y gall pawb fwynhau chwaraeon trwy gydol eu hoes. Ond ceir rhwystrau o hyd sy’n atal pobl rhag cymryd rhan mewn chwaraeon, ar lefel leol a rhanbarthol.
Profwyd bod cymryd rhan mewn gweithgarwch corfforol o leiaf 3 gwaith yr wythnos yn helpu lles. O’n gwaith ymchwil, rydym yn gwybod nad yw nifer o grwpiau yn cymryd rhan mewn gweithgarwch corfforol mor aml â hyn. Mae hyn yn cynnwys:
- dros 50% o’r holl ferched
- dros 67% o’r holl bobl ifanc o’r cymunedau sy’n cael y ddarpariaeth leiaf digonol
- tua 67% o’r holl bobl ifanc sy’n nodi eu bod yn dod o gefndiroedd ethnig lleiafrifol
- dros 50% y bobl ifanc sydd ag anabledd
- 67% o oedolion
Fodd bynnag, rydym yn gwybod hefyd bod 93% o ddisgyblion ysgol a 31% o oedolion wedi dweud y byddent yn dymuno gwneud mwy o chwaraeon. Nod ein partneriaethau chwaraeon rhanbarthol yw diwallu’r galw hwn yn well.
Datblygu’r partneriaethau
Arweinir pob partneriaeth gan arweinydd gweithredol, ynghyd â bwrdd a chadeirydd annibynnol. Maent yn bobl sy’n adnabod eu rhanbarth, ac sy’n gwybod sut i gyrraedd y grwpiau nad ydynt yn cymryd rhan mewn gweithgarwch corfforol ar hyn o bryd. Maent yn helpu eu partneriaethau i ddatblygu, tyfu ac esblygu gydag amser.
Rydym yn gweithio gyda phob partneriaeth i gynorthwyo’r prosesau hyn. Rydym yn helpu i sicrhau bod pob partneriaeth yn:
- defnyddio gwaith ymchwil a dirnadaeth mewn ffordd effeithiol
- canolbwyntio ar yr hyn a fydd yn cael yr effaith fwyaf ar ein gweledigaeth ar gyfer chwaraeon
- cydweithio a gwneud hynny mewn ffordd greadigol
- rhoi'r unigolion sy’n cymryd rhan wrth wraidd eu ffordd o feddwl
Rhanbarthau
Gogledd Cymru
Ynys Môn, Gwynedd, Sir y Fflint , Sir Ddinbych, Conwy, Wrecsam
Sefydlwyd Gogledd Cymru Actif yn 2021. Maent yn cynorthwyo prosiectau a phartneriaethau a fydd yn helpu mwy o bobl i gymryd rhan mewn chwaraeon a gweithgarwch corfforol yn y rhanbarth.
Gallwch gael gwybod mwy am Gogledd Cymru Actif ar eu gwefan neu trwy anfon e-bost atynt, at info@actifnorthwales.cymru.
Gorllewin Cymru
Sir Benfro, Sir Gaerfyrddin, Abertawe, Castell-nedd Port Talbot
Sefydlwyd Partneriaeth Chwaraeon Gorllewin Cymru (PChGC) yn 2023. Maent wedi bod yn canolbwyntio ar ddatblygu sylfeini’r bartneriaeth, gan ddatblygu perthnasoedd a deall cyd-destun unigryw’r rhanbarth.
Gallwch anfon e-bost atynt, at info@wwsp.wales.
Canolbarth Cymru
Ceredigion, Powys
Sefydlwyd Partneriaeth Chwaraeon Canolbarth Cymru (PChCC) yn 2024.
Gallwch anfon e-bost atynt, at info@mwsp.wales
Canolbarth y De Pen-y-bont ar Ogwr, Merthyr Tudful, Rhondda Cynon Taf, Caerdydd, Bro Morgannwg
Sefydlwyd Partneriaeth Actif Canolbarth y De (PACD) yn 2024.
Gallwch anfon e-bost atynt, at: admin@csap.wales
Gwent
Caerffili, Sir Fynwy, Casnewydd, Torfaen, Blaenau Gwent
Sefydlwyd Partneriaeth Chwaraeon Gwent (PChG) yn 2025
Os hoffech gysylltu â PChG, anfonwch e-bost atom, at relationship.managers@sport.wales. Gallwn eich cysylltu â'r unigolyn cywir.