Gweithdai diogelu ac amddiffyn plant

Mae'r gweithdy yma’n eich helpu chi i wneud y canlynol:  

• sylwi ar arwyddion bod plentyn mewn perygl efallai o niwed, cam-drin neu esgeulustod 
• deall eich rôl wrth gadw plant yn ddiogel 
• teimlo'n hyderus eich bod yn gwybod beth i'w wneud os ydych chi'n poeni am blentyn 
• creu amgylcheddau diogel i blant mewn chwaraeon 
• rhoi plant wrth galon eich sesiynau 
• bodloni'r safonau sydd eu hangen i gyflawni eich rôl yn ddiogel ac yn effeithiol (gofynion hanfodol ar gyfer llawer o gyrff rheoli cenedlaethol.) 

Mae'r cwrs yn cael ei adolygu'n aml gan UK Coaching. Maen nhw’n gweithio gyda'r NSPCC a'r Uned Amddiffyn Plant Mewn Chwaraeon (CPSU) i wneud yn siŵr ei fod yn gyfredol ac yn seiliedig ar senarios real mewn bywyd. 

Gallwch archebu gweithdy ar gyfer: 

• hyfforddwyr 
• gwirfoddolwyr 
• swyddogion lles clybiau 
• cyrff rheoli cenedlaethol 
• sefydliadau partner 

Pobl ifanc (16-18) 

• Rhaid i bobl ifanc dan 18 oed fynychu gydag oedolyn 
• Mae posib trefnu gweithdai ar gyfer grwpiau 16 i 18 oed heb oedolion gyda nhw 

Ar-lein 

Amser: 2.5 awr 
Maint y grŵp: 4 i 12 o bobl 
Pris: £202.50   
Pris gyda llyfrau’r cwrs: £280   

Wyneb yn wyneb 

Amser: 3 awr 
Maint y grŵp: 4 i 20 o bobl 
Pris: £260      
Pris gyda llyfrau’r cwrs: £360   

Mae llyfrau’r cwrs yn cael eu darparu gan UK Coaching i gefnogi dysgu yn ystod ac ar ôl y gweithdy.  

Beth rydych chi’n ei gael 

• Hyfforddiant gan diwtor diogelu profiadol 
• Tystysgrif ddigidol ar ôl y gweithdy 

I archebu gweithdy: 

1. Anfonwch e-bost atom ni gyda’r canlynol: 
   1. y dyddiadau rydych chi’n eu ffafrio  
   2. ar-lein neu wyneb yn wyneb 
   3. nifer y dysgwyr 
2. Byddwn yn e-bostio ffurflen archebu atoch chi  
3. Llenwch y ffurflen a'i hanfon yn ôl atom ni 
4. Byddwn yn cadarnhau eich gweithdy a'ch tiwtor 

E-bostiwch i archebu: communitysport.courses@sport.wales