Tîm gweithredol

Mae’r tîm gweithredol yn gyfrifol am:  

  • weithredu ein strategaeth a’n cynllun busnes  
  • rhyngweithio gyda’r llywodraeth  
  • datblygu’r sefydliad
Aelod o’r tîmRôl  
Brian DaviesPrif Swyddog Gweithredol  
Owen Lewis Cyfarwyddwr y System Chwaraeon  
Emma Wilkins Cyfarwyddwr Cyllid a Gwasanaethau Busnes  
Graham WilliamsCyfarwyddwr Gwybodaeth am Chwaraeon a Datblygu Gwasanaethau  

Aelodau bwrdd

Mae Llywodraeth Cymru yn penodi aelodau i’n bwrdd. Mae aelodau bwrdd yn cynnig arweinyddiaeth, llywodraethu a chyfeiriad strategol ar gyfer y sefydliad. Mae eu gwaith yn cynnwys:  

  • hyrwyddo gwerthoedd chwaraeon a gweithgarwch corfforol ar draws Cymru  
  • Adolygu ein buddsoddiadau a’n gweithgareddau i sicrhau ein bod yn cyflawni ein nodau a’n targedau 
  • diogelu cyllid cyhoeddus 
  • cynorthwyo a herio’r tîm gweithredol 
  • cyfrannu at waith cynllunio corfforaethol a gosod cyllidebau 
Cadeirydd - Baroness Tanni Grey-Thompson DBE, DL

Mae Tanni wedi bod yn Gadeirydd ers 2022. Mae’n gyn athletwraig Baralympaidd ac yn Bencampwr byd yng nghamp rasio cadair olwyn, sydd wedi torri recordiau. Mae’n Arglwyddes Mainc Groes yn Nhŷ’r Arglwyddi. Fel arglwyddes, mae’n cymryd rhan mewn dadleuon ynghylch materion sy’n cynnwys hygyrchedd, diwygio lles a chwaraeon. 

Is-Gadeirydd - Ian Bancroft

Arferai Ian fod yn Brif Weithredwr Cyngor Bwrdeistref Sirol Wrecsam. Astudiodd Addysg Gorfforol a Gwyddor Chwaraeon ym Mhrifysgol Loughborough. Ers hynny, mae wedi bod yn ymwneud â’r byd chwaraeon ar lefel broffesiynol ac fel gwirfoddolwr. Yng Ngogledd Cymru, mae wedi sefydlu amrediad o sefydliadau chwaraeon, gan gynnwys Chwaraeon Gogledd Cymru. 

Aelodau bwrdd

Dr Anna Bryant

Mae Anna yn Gyfarwyddwr Addysg Athrawon a Dysgu Proffesiynol ac yn Ddarllenydd mewn Addysg Iechyd Corfforol ym Mhrifysgol Metropolitan Caerdydd. Mae hi'n gyn-athletwraig ryngwladol ac yn flaenorol roedd yn gweithio fel athrawes Addysg Gorfforol uwchradd. Mae hi'n siarad Cymraeg ac mae ganddi brofiad ym maes addysg, datblygu athrawon ac ymchwil yng Nghymru.

Róisín Connolly  

Mae Róisín yn ymgynghorydd rheoli uwch ac mae ganddi dros dair blynedd ar ddeg o brofiad yn y maes. Mae ganddi brofiad helaeth ym maes arweinyddiaeth fasnachol, a ffocws cryf ar gynhwysiant. Mae hi wedi arwain ystod eang o fentrau i wella cydraddoldeb rhywedd yn y sector technoleg. Mae hi hefyd yn Llywodraethwr Annibynnol ym Mhrifysgol Fetropolitan Caerdydd. 

Rhian Gibson  

Mae Rhian yn Gyfarwyddwr Cyfathrebu, Ymgysylltu a Phartneriaethau ar gyfer Llyfrgell Genedlaethol Cymru. Mae wedi gweithio fel uwch-arweinydd ar gyfer BBC Cymru, S4C, Gymnasteg Cymru, GIG a Llywodraeth Cymru. Yn ei rolau amrywiol, mae hi wedi gweithio i gynyddu cyfranogiad, amrywiaeth a chyfleoedd mewn chwaraeon. 

Martin Hurst  

Mae Martin yn Gyfrifydd Siartredig sydd â dros 30 mlynedd o brofiad, gan weithio ym maes strategaeth, cyllid corfforol a rheoli risg. Bu’n bartner yn EY yn flaenorol, gan dywys cleientiaid byd-eang trwy drafodion cymhleth. Ers 2018, mae wedi bod yn gwneud gwaith annibynnol, gan gynorthwyo cwmnïau cynghori byd-eang. 

Phil Newman

Mae gan Phil fwy na 30 mlynedd o brofiad ar draws chwaraeon, addysg uwch, llywodraeth leol ac iechyd. Ef yw sylfaenydd a Phrif Swyddog Gweithredol Includable Consultancy, gan helpu sefydliadau i wella arweinyddiaeth, diwylliant a chydraddoldeb, amrywiaeth a chynhwysiant. Mae wedi gweithio ar draws pob lefel o chwaraeon, o lawr gwlad i swyddogaethau bwrdd, gyda phrofiad mewn diogelu a chynhwysiant.

Dr Alison Parken OBE 

Bu Alison yn Gyfarwyddwr Addysg Weithredol yn Ysgol Fusnes Prifysgol Caerdydd yn fwyaf diweddar. Mae ei gwaith ymchwil a’i gwaith ym maes cydraddoldeb rhywedd wedi dylanwadu ar bolisi llywodraeth Cymru a llywodraeth y DU. Mae hi hefyd wedi bod yn gynghorydd i’r Sefydliad Ewropeaidd ar gyfer Cydraddoldeb Rhywiol. Yn 2017, cyflwynwyd OBE iddi am ei gwasanaethau ym maes cydraddoldeb ac amrywiaeth. 

Parul Patel

Mae Parul yn ymgynghorydd cyfreithiol gyda phrofiad rhyngwladol mewn chwaraeon, gan arwain brandiau, athletwyr, clybiau a chyrff rheoli. Roedd hi'n uwch arweinydd cyfreithiol yn Nike a Pentland Brands ac mae hi bellach yn cynghori partneriaid Nike a chlybiau'r Uwch Gynghrair. Roedd hi'n gyfarwyddwr anweithredol Triathlon Cymru yn flaenorol, gyda phrofiad mewn busnes, perfformiad tîm a datblygu arweinyddiaeth.

Owain Schiavone  

Mae Owain yn Brif Weithredwr Golwg, y sefydliad cyfryngau Cymraeg. Mae hefyd yn Olygydd Uwch ac yn Gyfarwyddwr ar gyfer y cylchgrawn cerddoriaeth Gymraeg, Y Selar. Cafodd yrfa dros 20 mlynedd fel pêl-droediwr amatur ac mae bellach yn hyfforddi ar lefel iau. Mae’n hyfforddwr athletau cymwys ac yn aelod o Bwyllgor Athletau Gorllewin Cymru. 

Sanjiv Vedi OBE 

Mae Sanjiv yn weithiwr proffesiynol medrus, ac mae wedi gweithio ar draws y sectorau cyhoeddus a gwirfoddol. Mae ganddo brofiad helaeth ar lefel strategol a gweithredol, gan gynnwys ym maes rheoli risg, diogelu, gofal cymdeithasol a chydraddoldeb. Yn 2022, cyflwynwyd OBE iddo am ei gyfraniad i wasanaeth gwirfoddol, elusennol a chyhoeddus. 

Nuria Zolle  

Mae Nuria yn Gyfarwyddwr Anweithredol Bwrdd Iechyd Prifysgol Bae Abertawe. Mae’n arweinydd profiadol sy’n teimlo’n angerddol am gyfiawnder cymdeithasol a datblygiad cymunedol. Mae’n dwyn profiad helaeth o’r sector cyhoeddus a di-elw. Mae ei gwaith wedi helpu i ysgogi gwir newid a chynnydd yn y frwydr yn erbyn tlodi ac anghydraddoldeb. 

Cofnodion bwrdd