Campfa gyhoeddus, dosbarthiadau ffitrwydd a gweithgareddau

Mae’r sesiynau yn:

• 40 munud ar gyfer sboncen 
• 55 munud ar gyfer yr holl chwaraeon eraill 
• ar gyfer unigolion 12 oed a throsodd 

Rydym yn cynnig y dosbarthiadau canlynol:

• Bocsiomarfer – dosbarthiadau egnïol iawn sy'n cyfuno symudiadau bocsio, gwaith padiau, cardio a hyfforddiant cryfder
• Hyfforddiant cylchol – hyfforddiant cyflym ar sail ysbeidiau sy’n gweithio eich corff cyfan 
• Ffitrwydd Dawns – sesiynau ymarfer dawns egnïol iawn gyda symudiadau hawdd i'w dilyn 
• Beicio grŵp – sesiynau dan do gyda cherddoriaeth egnïol a heriau a gaiff eu tywys a’u harwain gan hyfforddwr neu sesiwn rith
• HIIT – hyrddiau cyflym o symud yn ddwys, a ddilynir gan seibiant 
• Pilates – symud ysgafn ac sydd â ffocws er mwyn datblygu cryfder y craidd, cydbwysedd a hyblygrwydd  
• Cryfder a chyflyru – hyfforddiant ar gyfer y corff llawn er mwyn gwella cryfder, sefydlogrwydd a gwydnwch 
• Ioga – ymestyn a symud yn araf er mwyn gwella hyblygrwydd a thawelu’r meddwl, ar gyfer pob lefel o ran profiad 

Mae’r dosbarthiadau ar gyfer unigolion 14 oed a throsodd. Rhaid bod pobl ifanc 14 ac 15 oed yng nghwmni rhywun dros 16 oed.

Prisiau 

Amserlen 

Mae prisiau consesiynau ar gyfer y rhai nad ydynt yn aelodau ar gyfer pobl sydd:

• dan 18 oed 
• yn 60 oed a throsodd 
• yn cael budd-dal prawf modd neu’r Lwfans Byw i'r Anabl 

Mae’r prisiau hyn ar gael yn ystod y cyfnodau isod yn unig:

• 9am i 4:30pm, o ddydd Llun i ddydd Gwener 
• trwy'r dydd ar ddydd Sadwrn a dydd Sul 

Efallai y bydd angen i chi brofi bod gennych yr hawl i fanteisio ar y prisiau consesiwn. Bydd angen i chi ddarparu naill ai:

• prawf adnabod sy’n cynnwys llun 
• llythyr gan gorff dyfarnu yn ddiweddar – ar gyfer budd-daliadau prawf modd neu’r Lwfans Byw i'r Anabl 

Dewch yn aelod o'r Ganolfan Genedlaethol

Bydd aelodaeth yn rhoi’r canlynol i chi:

• prisiau is 
• mynediad i'n campfa pwysau rhydd a chardio 
• archebu chwaraeon raced a dosbarthiadau ffitrwydd hyd at wythnos ymlaen llaw

Mae’r cynigion aelodaeth ar gyfer y rhai sy’n 12 oed a throsodd, ond dim ond y rhai sy’n 14 oed a throsodd sy’n gallu cael mynediad i'r gampfa a dosbarthiadau ffitrwydd.

Gallwch ganslo eich aelodaeth unrhyw bryd, gan roi mis o rybudd.

Darllenwch ein hamodau a thelerau aelodaeth a’n datganiad ymrwymiad iechyd.

Prisiau a buddion 

Consesiynau 

Mae’r aelodaeth consesiwn Efydd ar gael i bobl sydd naill ai:

• dan 18 oed (Efydd Iau)
• yn 60 oed a throsodd (Efydd Hŷn)
• yn fyfyrwyr (Efydd Myfyriwr)

Efallai y bydd angen i chi brofi bod gennych yr hawl i gael prisiau consesiynol. Bydd angen i chi ddarparu naill ai:

• prawf adnabod sy’n cynnwys llun
• cerdyn undeb myfyriwr

Debyd uniongyrchol 

Byddwch yn talu aelodaeth Aur ac Arian bob mis trwy drefniant debyd uniongyrchol, ar y 1af o bob mis.

Os byddwch yn cofrestru cyn y 15fed mewn mis, bydd eich taliad debyd uniongyrchol cyntaf yn swm pro-rata ar gyfer gweddill y mis.

Os byddwch yn cofrestru ar ôl y 15fed mewn mis, bydd eich taliad debyd uniongyrchol cyntaf yn swm pro-rata am weddill y mis a’r mis llawn nesaf.

Cerdyn aelodaeth 

Pan fyddwch yn cofrestru, byddwch yn cael cerdyn aelodaeth. Bydd angen i chi:

• gyflwyno a sweipio’r cerdyn pan fyddwch yn defnyddio’r ganolfan 
• bod yr unig unigolyn sy’n defnyddio’r cerdyn 
• talu ffi i ddisodli cerdyn a gollwyd, a gafodd ei ddwyn neu a ddifrodwyd 

Mae’r gampfa ar gyfer aelodau 14 oed a throsodd yn unig. Rhaid bod pobl ifanc 14 a 15 oed yng nghwmni rhywun dros 18 oed.

Defnyddio ystafelloedd newid 

Llogi offer 

Prynu offer